मोबाईलने केले सर्वसामान्यांच्या "कॉइन बॉक्‍स'ला हद्दपार...वाचा

चिखली (जि. गोंदिया) : ग्रामीण भागात सर्वसामान्य नागरिकांचा समजला जाणारा कॉइन बॉक्‍स मोबाईलच्या वाढत्या प्रसारामुळे आता हद्दपार झाला आहे. गेल्या दहा पंधरा वर्षांपूर्वी ग्रामीण भागात मोठ्या प्रमाणावर एक रुपयात कॉइन बॉक्‍सची सेवा मिळत होती.

किराणा दुकान, जनरल स्टोअर्स, झेरॉक्‍स सेंटर, एसटीडीतून कॉइन बॉक्‍सच्या माध्यमातून मोठी उलाढाल होत होती. उत्पन्नाचे साधन म्हणून कमी खर्चाच्या कॉइन बॉक्‍सकडे नव व्यावसायिकाचा कल होता. आता मात्र हे दिवस लयास गेले आहेत.

डबल सिमचा लाभ

कॉइन बॉक्‍सची जागा आता मोबाईलने घेतली आहे. मोबाईलचा अतिप्रसारामुळे व सुलभतेमुळे आता हे कॉइन बॉक्‍स हद्दपार झाले आहेत. शहरासह ग्रामीण भागातील घराघरांत मोबाईल पोहोचल्याने कॉइन बॉक्‍स कालबाह्य झाले आहे. मोबाईलमध्ये डबल सिम मिळत असल्याने एकाला रेंज नसली; तरी लगेच दुसऱ्या सिमवर काल करता येणे सहज शक्‍य झाले आहे.

हेही वाचा : ते तिघे बिनधास्त निघाले; पोलिसांनी कार थांबवली असता पुढे आला हा प्रकार...

मोबाईलचा वापर गरजेपुरताच

सन 1995 मध्ये भारतात मोबाईलने पाय रोवण्यात सुरुवात केली. मात्र, इनकमिंग व आउटगोइंग कालरेट अधिक असल्याने मोबाईलचा वापर गरजेपुरताच होत होता. घरातील कर्त्या माणसाला संपर्क करावयाचा झाल्यास घराशेजारील किराणा दुकानातून एका रुपयात कॉइन बॉक्‍सवरून फोन करण्याची प्रथा होती. एका रुपयात कुठेही बोलता येत असल्याने ग्रामीण भागात कॉइन बॉक्‍सची मोठी क्रेझ होती. पता ती कालबाह्य झाली आहे.

जाणून घ्या : विलगीकरणात ते गिरवताहेत योगासन आणि स्वच्छतेचे धडे

लहान मुलांनाही होती सुविधा

घरातील लहान मुलेदेखील शेजारच्या किराणा दुकानात जाऊन कॉइन बॉक्‍सवरून आपल्या नातेवाइकास सहज संपर्क करीत होते. कालांतराने मोबाईल हॅंडसेटचे दर व कॉलरेट सामान्यांच्या आवाक्‍यात आल्याने शहरी भागाप्रमाणे ग्रामीण भागातही आता प्रत्येकाच्या हातामध्ये मोबाईल आले. त्यामुळे गरजेसाठी वापरण्यापेक्षा होसेसाठी मोबाईल वापरण्याच्या संख्येतही वाढ झाली आहे.