Chandrapur: स्मशानभूमीत संशयास्पद विधीवरून तणाव; अधोरी कृत्याच्या संशयातून तिघांना मारहाण, पोलिसांत तक्रार दाखल

पोंभुर्णा: शहरातील २४ वर्षीय युवकाच्या अंत्यसंस्कारानंतर काही तासांतच सेल्लूर घाट स्मशानभूमीत घडलेल्या एका घटनेने परिसरात खळबळ उडाली आहे. अंत्यविधी झालेल्या ठिकाणाजवळ रात्री काही व्यक्ती पूजाविधी करीत असल्याची माहिती मिळाल्यानंतर नातेवाईक व ग्रामस्थ घटनास्थळी पोहोचले. त्यानंतर अघोरी कृत्याचा संशय व्यक्त करत झालेल्या वादातून तिघांना मारहाण करण्यात आल्याची घटना उघडकीस आली आहे.