बांधकाम व्यावसायिकाचे बेपत्ता कुटुंब पुण्यात सापडले

अहमदनगर : घरगुती वादातून मुलीसह पत्नी बेपत्ता झाल्याची तक्रार एकाने तोफखाना पोलिस ठाण्यात दिली होती. पतीने त्यांचा सर्वत्र शोध घेतला. पत्नीने आत्महत्या करणार असल्याचा एसएमएस पतीस पाठविल्याने पती घाबरला होता.

ताज्या बातम्यांसाठी डाऊनलोड करा ई-सकाळचे ऍप 
 
सावेडीतील एका दाम्पत्याचे चार दिवसांपूर्वी कौटुंबिक वादातून भांडण झाले. त्यानंतर महिला आपल्या मुलीसह घरातून गायब झाली. पतीने तिचा जवळच्या नातेवाइकांकडे शोध घेतला. मात्र, ती कुठेही आढळली नाही. त्यानंतर तिने, आपण आत्महत्या करणार असल्याचा संदेश पतीला पाठविला. त्यामुळे पती घाबरला. त्याने तोफखाना पोलिस ठाण्यात धाव घेतली. तोफखाना पोलिसांनी तांत्रिक तपास केला असता, ती पुणे जिल्ह्यात असल्याची खात्री झाली. त्यानुसार तिचा शोध घेण्यात आला. अखेर कुटुंबीयांसह पोलिसांचा जीव भांड्यात पडला.