तळीरामाने 'यूट्यूब' पाहून घरीच बनवली दारू; पण...

तिरुअनंतपुरम (केरळा): कोरोना व्हायरला आळा घालण्यासाठी पंतप्रधान नरेंद्र मोदी यांनी देशात लॉकडाऊन केल्यानंतर तळीरामांची पंचाईत झाली आहे. दारूसाठी तळीराम दुकाने फोडू लागले आहेत. एकाने तर यूट्यूबरवर व्हिडिओ पाहून घरीच दारू बनवली.

'हॅरी पॉटर'च्या लेखिकेने सांगितला कोरोनावर उपाय...

एका तळीरामाची एवढी तळमळ वाढली की त्याने चक्क यूट्यूबवर व्हिडिओ पाहून घरच्या घरीच दारू तयार केली. चंद्रलाल (वय 37) असे त्याचे नाव असून, पोलिसांनी त्याला अटक केली आहे. पोलिसांनी सांगितले की, एका घरामध्ये दारू बनत असल्याची माहिती मिळाली. यानुसार त्या घरावर छापा टाकल्यानंतर चंद्रलाल याने घरीच दारू बनवली होती. दारूसाठी लागणारे साहित्य घरामध्ये आढळून आले. साहित्यासह चंद्रलालला ताब्यात घेण्यात आले असून, पुढील तपास सुरू आहे.

Video: पत्नीचे सोशल डिस्टन्स म्हणजे सोशल डिस्टन्स...

दरम्यान, पंतप्रधान नरेंद्र मोदी यांनी 21 दिवसांचा लॉकडाऊन सुरू केल्यापासून तळीरामांची तळमळ दिवसेंदिवस वाढू लागली आहे. काही तळीराम दारूची दुकाने फोडत आहेत तर काहीजण जास्त पैसे देऊन दारू मिळवू लागले आहेत. तमिळनाडूमध्ये एका व्हॉट्सऍप ग्रुपवर दुकाने सुरू होणार असल्याची अफवा पसरल्यानंतर तळिरामांनी रांग लावली होती.