UPSC Exam Dates 2024 : यूपीएससी परीक्षेचे वेळापत्रक जाहीर, या तारखेला असणार पूर्व परीक्षा

UPSC Exam Dates 2024 : यूपीएससी अंतर्गत निवड होणाऱ्या विविध परीक्षांचे वेळापत्रक सोमवारी जाहीर करण्यात आले. यूपीएससी सिव्हिल सर्व्हिस प्रीलिम्स परीक्षा २०२४ आणि आयएफएस परीक्षा २६ मे २०२४ रोजी असेल. यूपीएससी परीक्षेसाठी तयारी करणारे विद्यार्थी आयोगाच्या अधिकृत वेबसाइटवर upsc.gov.in विविध परीक्षांची तारीख चेक करू शकतात.

परीक्षेसाठी अर्ज करण्याची शेवटची तारीख ५ मार्च असणार आहे. सिव्हिल सर्व्हिसेसची मुख्य परीक्षा २४ नोव्हेंबर २०२४ मध्ये असेल. यूपीएससीने परीक्षेसाठी १३ जानेवारी, २४ फेब्रुवारी, ९ मार्च, ६ जुलै, १० ऑगस्ट, १९ ऑक्टोबर, २१ नोव्हेंबर या तारखा राखीव ठेवल्या आहेत. एखादी परीक्षा रद्द झाल्यास या राखीव तारखांमध्ये परीक्षा घेतली जाईल.

एनडीए आणि सीडीए परीक्षा २१ एप्रिलला

इंडियन इंजीनियरिंग सर्व्हिसेस (पीटी) २०२४ परीक्षा १८ फेब्रुवारीला तर संयुक्त भू-वैज्ञानिक मुख्य परीक्षा १८ फेब्रुवारीला असेल.

यूपीएससी सीएसई प्रीलिम्स आणि एनडीए, सीडीएस व्यतिरिक्त अन्य परीक्षांचे वेळापत्रकसुद्धा वेबसाइटवर जारी करण्यात आले आहे. इंजीनियरिंग सर्व्हिसेस साठीची पहिली परीक्षा १८ फेब्रुवारी रोजी असेल.

तर सीआयएसएफ एसी (EXE) एलडीसीई २०२४ चे आयोजन १० मार्च २०२४ ला आणि आयएएस, आयएफएस परीक्षा २१ जून २०२४ ला असेल. अधिक माहितीसाठी तुम्ही यूपीएससीच्या अधिकृत वेबसाइट भेट देऊ शकता.