"इंडो-पॅसिफिक’मध्ये भारताची भूमिका महत्वाची"

मुक्त आणि खुल्या इंडो-पॅसिफिकच्या दृष्टीकोनासाठी एक महत्त्वपुर्ण सदस्य म्हणून अमेरिकेने बुधवारी भारताला संबोधले सोबतच भारत-रशिया ऐतिहासिक संबंधांची पर्वा न करता अमेरिका आता भारतासाठी पसंतीचा सदस्य असल्याचे अमेरिकेने म्हटले. युक्रेन रशिया युद्धावर भारताची भुमिका अमेरिकेला आवडली नव्हती. अमेरिका भारतावर नाराज असल्याचेही बोलले जात होते मात्र आता अमेरिका भारत संबंधावर आपली भूमिका स्पष्ट केली आहे.

युक्रेन- रशियाने अनेक देशाची समीकरणे बदलली असली तरी या युद्धाला काहीसा संशयास्पद प्रतिसाद देऊन क्वाड सदस्यांमध्ये भारत हा अपवाद ठरला, असे वक्तव्य अमेरिकेचे अध्यक्ष जो बायडेन यांनी केल्यानंतर, अमेरिकेच्या परराष्ट्र विभागाचे प्रवक्ते नेड प्राइस यांनी इंडो-पॅसिफिक हे क्वाड धोरणाच्या केंद्रस्थानी आहे आणि आणि या दृष्टीकोनातून भारताने त्यावर भर दिला, असे मत व्यक्त केले.