Abhay Yojana : थकबाकीदार 3 कंपन्यावर महापालिकेतर्फे जप्ती

जळगाव : महापालिकेतर्फे थकबाकीदार (Arrears) मिळकतधारकांना सूट देण्यात येत आहे. मात्र, त्यानंतरही थकबाकी न भरणाऱ्यावर कारवाई सुरू करण्यात आली आहे.

या अंतर्गत गुरुवारी (ता. १६) औद्यौगिक वसाहतीतील तीन कंपन्यावर जप्तीची कारवाई करण्यात आली. (Abhay Yojana Seizure by Municipal Corporation on 3 defaulting companies jalgaon)

मिळकत थकबाकीदारांना आपली रक्कम भरण्यासाठी महापालिके ‘अभय शास्ती’ योजना सुरू केली आहे. मात्र, यानंतरही काही जण थकबाकी भरण्यास तयार नाहीत. त्यामुळे आता महापालिकेने जप्तीची कारवाई सुरू केली आहे.

गुरुवारी औद्यौगिक वसाहतीत ही मोहिम राबविण्यात आली. यात थकबाकी असलेल्या पॅरामाउंट पेगनेट, हिंदुस्थान फेराईटस या ई सेक्टरमधील कंपन्यावर, तर जी सेक्टरमधील ॲग्रवाल ॲग्रो कंपनीवर जप्तीची कारवाई करण्यात आली.

हेही वाचा : हिंडेनबर्ग अहवालात तथ्य की ते भारताविरुद्धचे कारस्थान?

मिळकतधारकास ५४ हजारांची सूट

महापालिकेतर्फे मिळकतधारकांना सूट देण्याची मोहीम सुरूच आहे. या अंतर्गत प्रभाग चारमधील मंगा तोताराम कुंभार यांच्याकडे ९३ हजार ५६८ रुपयांची थकबाकी होती. त्यांना ५४ हजार ३७५ रुपयांची शास्ती व सूट मिळाली. त्यांनी केवळ ३९ हजार १९३ रुपये भरले.

३१ मार्चपर्यंत सवलत

महापालिकेतर्फे नागरिकांना ३१ मार्चपर्यंत थकबाकीच्या मिळकतीवर शास्ती व सूट देण्यात येत आहे. थकबाकीदारांनी त्याचा लाभ घेऊन ही थकबाकी त्वरित भरावी, असे आवाहन आयुक्त डॉ. विद्या गायकवाड यांनी केले आहे.