रत्नागिरी-गणपतीपुळ्यात गणेशाला हापूसची आरास

-rat10p21.jpg
82786
रत्नागिरी ः श्री क्षेत्र गणपतीपुळे येथील गणपती बाप्पासमोर आंब्याची आरास करण्यात आली.

गणपतीपुळ्यात गणेशाला हापूसची आरास

अक्षय तृतीयेचे औचित्य; ९ डझन आंब्यांनी सजावट

सकाळ वृत्तसेवा
रत्नागिरी, ता. १० : अक्षय तृतीयेनिमित्त शुक्रवारी (ता. १०) श्री क्षेत्र गणपतीपुळे येथील गणपती बाप्पाची आंब्याने पूजा करण्यात आली. मंदिराच्या गाभाऱ्यात ९ डझन आंब्याची आरास करण्यात आली आहे. रत्नागिरी शहरातील सिद्धेश विजय वैद्य व मंजिरी वैद्य यांनी पूजेसाठी पिकलेले आंबे पाठविले आहेत.
वैद्य कुटुंबीयांकडून गेली दहा-बारा वर्षे गणपतीसाठी आंबे पाठविले जात आहेत. त्यांचा आंब्याचा व्यवसाय असून गणपतीवर त्यांची अपार श्रद्धा आहे. दरवर्षी पुणे येथील दगडूशेठ हलवाई गणपती व गणपतीपुळे येथील मंदिरात दोन डझनचा आंबा प्रसादासाठी पाठवितात. सिद्धेश वैद्य यांचा हा उपक्रम गेली १० ते १२ वर्षे सुरू आहे; मात्र सिद्धेश यांना गणपतीपुळ्यातील गणेश मंदिरात आंब्याची आरास करण्याची संकल्पना सुचली. त्यांनी तेथील पुजाऱ्यांना याबाबत विचारले तेव्हा त्यांनीही सकारात्मकता दर्शवली. दरवर्षी आंब्याच्या हंगामात एखादा चांगला दिवस पाहून आंब्याने बाप्पाची पूजा केली जाते. आंब्याच्या पूजेचा हा उपक्रम आठ वर्ष सुरू आहे. यावर्षी अक्षय तृतीयेला पूजा बांधण्याचा निर्णय घेतला. त्यासाठी गुरुवारी (ता. ९) नऊ डझन पिकलेले आंबे त्यांनी गणपतीपुळे येथे पूजेसाठी पाठविले. गणपती मंदिरातील आंब्याची आरास पाहण्यासाठी भाविकांनीही गर्दी केली होती.

कोट
आंबा हंगामातील कामामुळे दरवर्षी पूजेसाठी खास जाता येत नाही; परंतु हंगाम संपल्यानंतर आवर्जून संपूर्ण कुटुंबासह दर्शनासाठी जात असल्याचे सिद्धेश यांनी सांगितले. गणपतीवर माझी व माझ्या कुटुंबीयांची मनोभावे श्रद्धा आहे. श्रद्धेतूनच आम्ही आंबे पूजेला पाठवित आहोत.
- सिद्धेश वैद्य