रंगभरण स्पर्धेत सौम्या बावधनकर, दुर्वा आंबेकर प्रथम

रंगभरण स्पर्धेत सौम्या बावधनकर, दूर्वा आंबेकर प्रथम
नामदेव समाजोन्नती मंडळ ; विविध क्षेत्रातील यशस्वींचा सत्कार
सकाळ वृत्तसेवा
राजापूर, ता. २४ ः श्री संत नामदेव समाजोन्नती मंडळातर्फे ६७५वा संत शिरोमणी नामदेव महाराज संजीवन समाधी सोहळ्यानिमित्त घेण्यात आलेल्या चित्र रंगभरण स्पर्धेतील विजेत्यांसह विविध क्षेत्रात यश मिळवणाऱ्यांचा सत्कार करण्यात आला. रंगभरण स्पर्धेत लहान गटात सौम्या बावधनकर आणि मोठ्या गटात दूर्वा आंबेकर हिने प्रथम क्रमांक पटकावला.
श्री विठ्ठलभक्त संत शिरोमणी श्री नामदेव महाराज यांचा संजीवन समाधी सोहळा राजापूर शहरातील बाजारपेठेतील श्री विठ्ठल मंदिरामध्ये साजरा करण्यात आला. डॉ. राकेश खटावकर यांच्या हस्ते सकाळी श्री संत नामदेव महाराज आणि श्री विठ्ठल रखुमाई प्रतिमापूजन करण्यात आले. सायंकाळी वरचीपेठ येथील महिला मंडळाने यांचा भजन सादर केले. या वेळी समाजातील मुलांसाठी दोन गटांमध्ये चित्र रंगभरण स्पर्धा घेण्यात आली. लहान गटामध्ये (पहिली ते चौथी) सौम्या बावधनकर, शौर्य बावधनकर, दूर्वा खटावकर, जीत डंबे, वैदिक कोळेकर यांनी अनुक्रमे एक ते पाच क्रमांक पटकावले तर, मोठ्या गटामध्ये (पाचवी ते दहावी) दूर्वा आंबेकर, रिद्धी बावधनकर, हिृदा कोळेकर यांनी अनुक्रमे प्रथम, द्वितीय, तृतीय क्रमांक पटकावला. या विजेत्यांना अजय डंबे आणि अनिरुद्ध बावधनकर यांनी पुरस्कृत केलेली पारितोषिके देऊन मान्यवरांच्या हस्ते गौरव करण्यात आला. या वेळी सीए परीक्षा उत्तीर्ण झालेले ओमकार डंबे, महाराष्ट्र राज्य परीक्षा परिषद पुणे यांच्यावतीने घेण्यात आलेल्या शिष्यवृत्ती परीक्षेत सुयश संपादन केलेली हिृदा कोळेकर, दहावी परीक्षेत यश संपादन केलेला ओम कोळेकर, मंथन परीक्षेत राज्यात चौदावा क्रमांक पटकावल्याबद्दल सौम्या बावधनकर, बारावी परीक्षेत यश संपादन केल्याबद्दल मकरंद बावधनकर यांना मंडळातर्फे गौरवण्यात आले.

चौकट
सुयश कोळेकरचा सत्कार
कै. सदानंद रामचंद्र कोळेकर यांच्या स्मरणार्थ डॉ. आनंद कोळेकर यांच्याकडून गेली अनेक वर्षे विशेष प्रावीण्य मिळवलेल्या दहावी-बारावीतील मुलांसाठी शिष्यवृत्ती देण्यात येते. ही शिष्यवृत्ती यावर्षी सुयश कोळेकर याने दहावीमध्ये ९० टक्के मिळवून उत्तीर्ण झाल्याबद्दल श्री संत नामदेव समाजोन्नती मंडळातर्फे देऊन त्याचा विशेष सत्कार करण्यात आला.