विद्यार्थ्यांनी केली १४०० झाडांची लागवड

- rat२९p२०.jpg -
P२५N८०७२१
सावर्डे : विद्यार्थ्यांना झाडांचे वाटप करताना शालेय समितीचे सदस्य सुभाष मोहिरे, सुधीर महाडिक व इतर.

विद्यार्थ्यांनी केली १४०० झाडांची लागवड
सावर्डे, ता. २९ : सह्याद्री शिक्षणसंस्था संचलित गोविंदराव निकम माध्यमिक व उच्च माध्यमिक विद्यालय, सावर्डे येथे पर्यावरण संवर्धनाच्या उद्देशाने ‘एक मूल एक झाड’ या उपक्रमांतर्गत विद्यार्थ्यांनी सुमारे १४०० झाडांची लागवड केली. त्या झाडांचे संगोपन करण्याची प्रतिज्ञाही केली. वृक्ष लागवडीच्या या उपक्रमासाठी विद्यालयातील हरितसेना व महाराष्ट्र छात्रसेनेच्या विद्यार्थ्यांनी पुढाकार घेतला होता. या उपक्रमांतर्गत पाचवी ते दहावीपर्यंतच्या सर्व विद्यार्थ्यांनी फळझाडांचे किमान एक रोप लावावे आणि त्याचे संगोपन करावे, अशी संकल्पना मांडली. वाढती लोकसंख्या व त्यामुळे निर्माण होणारे पर्यावरण असंतुलन ही गंभीर समस्या आहे. त्यामुळे मर्यादित कुटुंब आणि जास्तीत जास्त झाडांची लागवड करणे ही काळाची गरज बनली आहे. या विद्यार्थ्यांमध्ये पर्यावरणाविषयी जागृती निर्माण करणे, वृक्षारोपणाची जाणीव होणे तसेच झाडांप्रति प्रेम आणि जिव्हाळा निर्माण करणे हा उपक्रमाचा उद्देश होता. हा उपक्रम प्राचार्य राजेंद्रकुमार वारे व उपप्राचार्य विजय चव्हाण यांच्या मार्गदर्शनाखाली राबवण्यात आला.