वैभव नाईक यांचा वाढदिवस मांडकुलीत विविध उपक्रमांनी

32764

वैभव नाईक यांचा वाढदिवस
मांडकुलीत विविध उपक्रमांनी

कुडाळ, ता. २३ ः माजी आमदार वैभव नाईक यांच्या वाढदिवसानिमित्त ठाकरे शिवसेना मांडकुली शाखेच्यावतीने शनिवारी मांडकुली येथे तिरंगी डबलबारी भजनाचा जंगी सामना आयोजित केला होता. या सामन्याला वैभव नाईक यांनी भेट दिली. यावेळी त्यांचा सत्कार करत केक कापून वाढदिवस साजरा करण्यात आला.
मांडकुली येथील शिवसेना पदाधिकारी, शिवसैनिक व ग्रामस्थांनी शुभेच्छा दिल्या. भजनी बुवांनी श्री. नाईक यांच्या कार्यकर्तृत्वावर गीत सादर केले. अनेक वर्षे मांडकुली गावात सेवा देणारे डॉ. दामले, डॉ. ढवण, डॉ. नाईक यांचा सत्कार करण्यात आला. यावेळी ठाकरे शिवसेना कुडाळ तालुकाप्रमुख कृष्णा धुरी, तालुका संघटक बबन बोभाटे, जिल्हा परिषद सदस्य गंगाराम सडवेलकर, पंचायत समिती सदस्य योगेश धुरी, पंचायत समिती सदस्या ममता राऊळ, माजी सरपंच तुषार सामंत, उपविभाग प्रमुख सचिन ठाकूर आदी उपस्थित होते.