Donnarumma Gukesh : अवघ्या 16 वर्षाच्या गुकेशने मॅग्नस कार्लसेनला पराभूत करत रचला इतिहास

Donnarumma Gukesh Chess : भारताच्या अवघ्या 16 वर्षाच्या दोन्नारूमा गुकेशने इतिहास रचला. त्याने Aimchess Rapid ऑनलाईन स्पर्धेत विश्वविजेत्या माग्नस कार्लसेनला परभावचा धक्का दिला. याचबरोबर गुकेश विश्वविजेत्या खेळाडूला मात देणारा सर्वात तरूण बुद्धीबळपूट बनला. गुकेशने कार्लसेनचा 9 व्या फेरीत पराभव केला. विशेष म्हणजे कार्लसेनला भारताचा ग्रँडमास्टर अर्जुन एरिगैसीने देखील पराभव केला होता.

रविवारी Aimchess Rapid ऑनलाईन स्पर्धेत सर्वात प्रथम एरिगैसीने कार्लसेनचा सातव्या फेरीत पराभव केला. अर्जुनने सलग तीन गेम जिंकले. त्याने निल ग्रँडेलिअस (स्विडन), डॅनियल नारोडेत्सकी (अमेरिका) आणि कार्लसेनचा पराभव केला. यानंतर पोलंडच्या जॅ डुडासोबत बरोबरी साधली.

अर्जुनने गेल्या महिन्यात कार्लसेनला ज्युलिअस बेअर गनरेशन कप ऑनलाईन स्पर्धेत पराभूत केले होते. त्याने 54 चालीत सामना जिंकला होता. Aimchess Rapid स्पर्धा ही मेल्टवॉटर चॅम्पियन्स टूरचा एक भाग आहे. या स्पर्धेत 16 खेळाडूंनी भाग घेतला होता. त्यात भारताच्या 5 खेळाडूंचा समावेश होता.