Boycott Chennai Super Kings रैनामुळे नाही तर 'या' खेळाडूमुळे आहे ट्रेंडवर | Boycott Chennai Super Kings trends on twitter because of Maheesh Theekshana | Sakal
sakal

बोलून बातमी शोधा

Boycott Chennai Super Kings trends on twitter after csk brought Maheesh Theekshana
Boycott Chennai Super Kings रैनामुळे नाही तर 'या' खेळाडूमुळे आहे ट्रेंडवर

Boycott Chennai Super Kings रैनामुळे नाही तर 'या' खेळाडूमुळे आहे ट्रेंडवर

आयपीएल 2022 मेगा लिलावात (IPL 2022 Auction) चेन्नई सुपर किंग्जचा (Chennai Super Kings सर्वात यशस्वी खेळाडू सुरेश रैना (Suresh Raina) अनसोल्ड राहिला. सीएसकेने आपल्या इतर सर्व खेळाडूंना संघात परत घेण्यासाठी प्रयत्न केले. काहींना घेतले देखील मात्र आयपीएल (IPL) इतिहासात आतापर्यंत सर्वाधिक धावा करणाऱ्यांच्या यादीत तिसऱ्या स्थानावर असलेल्या सुरेश रैनासाठी त्यांनी बोली लावली नाही. याचे पडसाद सोशल मीडियावर दोन दिवस उमटत होते. सुरेश रैनासाठी भावनिक झालेले चाहते सोशल मीडियावर आपली भावना व्यक्त करत होते. आज देखील #Boycott_ChennaiSuperKings हा ट्रेंड ट्विटरवर जोरदार ट्रेंड करत आहे. मात्र या चेन्नई सुपर किंग्जवर बहिष्कार घालण्याची भाषा करणारा हा ट्रेंड सुरेश रैनासाठी नाही तर श्रीलंकन खेळाडू महीश तीकशाना याच्यामुळे सुरू आहे.

हेही वाचा: BLOG: 'त्या' घटनेनंतर सुरेश रैनाचा CSK मधून पत्ता झाला कट?

हेही वाचा: रात्रीत 'करोडपती' झाले क्रिकेटर; गावसकरांना का खुपलं?

श्रीलंकेचा हा 21 वर्षाचा खेळाडू यापूर्वी श्रीलंकन आर्मीमध्ये होता. श्रीलंकन आर्मीबद्दल तामिळ नागरिकांमध्ये प्रचंड राग आहे. लंकन आर्मीवर लंकेतील तामिळ लोकांवर अत्याचार आणि त्यांचे मोठ्याप्रमाणावर हत्याकांड केल्याचा आरोप आहे. श्रीलंकन खेळाडू महीश तीकशाना याने फक्त श्रीलंकन आर्मीमध्ये सेवा बजावलेली नाही तर त्याने श्रीलंकन आर्मीचे गुणगान गाणारी वक्तव्ये देखील केली होती. त्यामुळे चेन्नई सुपर किंग्जने अशा खेळाडूला आपल्या संघात घेतल्याने सोशल मीडियावर त्यांच्याविरूद्ध ट्रेंड सुरू झाला आहे. अनेक लोक सीएसकेवर टीका करत आहेत.

हेही वाचा: IPL Auction : 'अंगापेक्षा भोंगा मोठा'; एक विकेट पडली 29 लाखाला!

तीकशानाने गेल्या वर्षी श्रीलंकन आर्मीत जवळपास 150 क्रिकेटर्स आहेत असे सांगत आर्मी त्यांना देत असलेल्या सोयी आणि सुविधांचे गुणगान गायले होते. तो पुढे म्हणाला होता की, 'यावरून क्रिकेट खेळाच्या वाढीसाठी श्रीलंकन आर्मी किती मदत करते हे दिसून येते.' तीकशाना फक्त इथेच थांबला नव्हता. त्याने युद्धाच्यावेळी अनेक गुन्हे केल्याचा आरोप असलेल्या श्रीलंकन आर्मीचे शावेंद्रा सिल्वा यांचे देखील आभार मानले होते. तीकशानाने त्याची कारकिर्द फुलण्यासाठी मदत केल्याचे सांगितले होते.

Web Title: Boycott Chennai Super Kings Trends On Twitter Because Of Maheesh Theekshana

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top