प्रेयसीसोबत लॉजवर असताना तरूणाचा मृत्यू, खिशात सापडलं स्टॅमिना वाढवणाऱ्या गोळ्यांचं पाकीट

नागपूर : नागपूरमधून एक धक्कादायक बातमी समोर आलीय. प्रेयसीसोबत लॉजमध्ये गेलेल्या एका पंचवीस वर्षीय तरुणाचा संशयास्पद मृत्यू झालाय. ही घटना नागपूर (Nagpur) जिल्ह्यातील सावनेर शहरातील आहे. अजय परतेकी असं या तरुणाचं नाव आहे.

त्यानं स्टॅमिना वाढवणाऱ्या गोळ्यांचं अतिसेवन केल्यामुळं त्याचा मृत्यू झाल्याचा अंदाज व्यक्त करण्यात येत आहे. अजयच्या खिशात स्टॅमिना वाढवणाऱ्या गोळ्यांचं पाकीट आढळून आल्यानं पोलिसांनी (Police) तसा अंदाज व्यक्त केलाय. या घटनेमुळं नागपुरात खळबळ उडालीय.

स्टॅमिना वाढवणाऱ्या, शक्ती वाढवणाऱ्या गोळ्या औषधांच्या जाहिरातींन बळी पडू नका असं डॉक्टर्स (Doctors) कायम सांगतात. मात्र, या सल्ल्याकडं दुर्लक्ष करणाऱ्या एका तरुणाचा अवघ्या 25 व्या वर्षी मृत्यू झाला. नागपूरच्या (Nagpur) सावनेरमध्ये ही घटना समोर आलीय. प्रेयसीसोबत लॉजवर गेला असताना हा तरूण बेशुद्ध पडला. तरुणीनं घाबरून त्याच्या मित्रांना बोलावलं. मात्र, तोवर त्याचा मृत्यू झाला होता. गेल्या 3 वर्षांपासून अजयचं त्याच्या प्रेयसीसोबत प्रेम संबंध होते. येत्या 2 महिन्यात दोघंही लग्न करणार होते. प्रेयसीचं वय 21असून ती नर्स आहे. सावनेर पोलिसांनी प्रेयसीचा जबाब नोंदवला असून पुढील तपास सुरूय.