Sathyaraj Mother Passed Away: 'बाहुबली' फेम कटप्पाला मातृशोक! कलाकारांनी वाहिली श्रद्धांजली

Sathyaraj Mother Passed Away: तामिळ आणि तेलुगू चित्रपटातील लोकप्रिय अभिनेते सत्यराज हे त्यांच्या 'बाहुबली' मधील कट्टप्पाच्या भूमिकेमुळे प्रसिद्ध आहेत. सत्यराज यांच्यावर दुख:चा डोंगर कोसळला आहे. सत्यराज यांच्या आईचे 11 ऑगस्ट रोजी निधन झाले आहे.

त्यांनी वयाच्या 94 व्या वर्षी अखेरचा श्वास घेतला. त्यांच्या मूळ गावी कोईम्बतूर येथे त्यांच्यावर अंत्यसंस्कार होणार आहेत. ज्येष्ठ अभिनेते सत्यराज हे हैदराबादमध्ये शूटिंग करत होते मात्र आईच्या निधनाची बातमी कळताच त्यांनी शुटिंग थांबवली.

सत्यराज यांच्या आईचे नाव नाथम्बल होते. नाथम्बल यांना तीन मुले आहेत. अभिनेता सत्यराज व्यतिरिक्त त्यांना कल्पना आणि रूपा या दोन मुली आहेत. सत्यराज हे त्यांच्या आईच्या खूप जवळ होते. सत्यराज यांच्या आईला त्यांना चित्रपटात पहायला आवडायचे. 'बाहुबली' चित्रपटातील कटप्पाची भूमिका देखील त्यांना खुप आवडली होती.

सत्यराज यांच्या आईच्या निधनाची बातमी समोर येताच अनेक कलाकारांनी सोशल मीडियावर पोस्ट शेयर करत शोक व्यक्त केला आहे. त्यात कमल हासन, उदयनिधी स्टॅलिन यांनी आईच्या निधनाबद्दल शोक व्यक्त केला.