लातूर : लातूर महानगरपालिकेचे आयुक्त बाबासाहेब मनोहरे यांनी शनिवारी मध्यरात्री स्वतःच्या डोक्यात गोळी घालून आत्महत्याचा प्रयत्न केला आहे. त्यांच्यावर येथील एका खाजगी रुग्णालयात उपचार सुरू आहेत अशी माहिती पोलीस अधीक्षक सोमय मुंडे यांनी दिल..लातूर महानगरपालिकेचे आयुक्त बाबासाहेब मनोहरे यांचा येथील शासकीय वसाहती परिसरात शासकीय बंगला आहे शनिवारी मध्यरात्रीच्या सुमारास त्यांनी बंगल्यातच स्वतःच्या डोक्यात गोळी झाडून आत्महत्या करण्याचा प्रयत्न केला. हा प्रकार घरातील इतरांना कळतात त्यांनी तातडीने पोलिसांना या घटनेची माहिती दिली..या घटनेची माहिती मिळताच पोलीस तातडीने घटनास्थळी दाखल झाले. गंभीर अवस्थेत असलेल्या आयुक्त बाबासाहेब मनोहरे यांना तातडीने येथील एका खाजगी रुग्णालयात उपचारासाठी दाखल करण्यात आले आहे. त्यांच्यावर सध्या उपचार सुरू आहेत सध्या त्यांची प्रकृती स्थिर आहे अशी माहिती पोलीस अधीक्षक सोमय मुंडे यांनी दिली..या घटनेची माहिती मिळताच महानगरपालिकेच्या वरिष्ठ अधिकाऱ्यांनी देखील रुग्णालयाकडे धाव घेतली रुग्णालयाच्या परिसरात मोठा पोलीस बंदोबस्त लावण्यात आला होता. आयुक्त बाबासाहेब मनोहरे यांनी आत्महत्या करण्याचा प्रयत्न का केला याचा तपास पोलीस घेत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
