सबस्क्राईब करा
औरंगाबाद : चोऱ्या, मारामाऱ्या, विनयभंगसारख्या गुन्ह्यांत दिवसेंदिवस होणारी वाढ लक्षात घेत शहरासह जिल्ह्यातून एकाच दिवशी तब्बल पाच गुन्हेगारांना दोन वर्षांसाठी हद्दपार करण्याचे आदेश पोलिस उपायुक्त दीपक गिऱ्हे यांनी आज काढले. विशेष म्हणजे प्रत्येक आरोपीविरोधात पाचपेक्षा अधिक गुन्हे दाखल असल्याचेही उपायुक्त गिऱ्हे यांनी ‘सकाळ’शी बोलताना सांगितले.
दत्तू शंकर पिंपळे (२५, रा. जोगेश्वरी), रवी कचरू मुकुटमल (वय ३४, सावित्रीबाई फुलेनगर, वडगाव कोल्हाटी), अमोल जगन्नाथ गायकवाड (२१, रा. वडगाव कोल्हाटी), रईस खान रियाज खान (२६, रा. रोशनगेट) आणि निशिकांत ऊर्फ बब्बी राजू शिर्के (३४, रा. भीमनगर, भावसिंगपुरा) अशी त्या हद्दपार गुन्हेगारांची नावे आहेत. दत्तूविरोधात चोऱ्या, दारू आदि मालासंदर्भातील आठ गुन्हे, तर आरोपी रवी मुकुटमलविरोधात गंभीर मारहाण, दारू यासारखे सहा गुन्हे आणि अमोल गायकवाड याच्याविरोधात मारहाण करून लूटमार करणे असे पाच गुन्हे दाखल आहे.
तिघाही आरोपीविरोधात एमआयडीसी वाळूज पोलिस ठाण्यात गुन्हे दाखल आहेत. याशिवाय रईसखान याच्याविरोधात दुचाकी चोरीचे चार सिटीचौक, एक जिन्सी आणि एक सिडको असे सहा गुन्हे दाखल आहेत, तर भावसिंगपुऱ्यातील आरोपी निशिकांत शिर्केविरोधात छावणी पोलिस ठाण्यात गंभीर मारामारीसह एक विनयभंग असे पाच गुन्हे दाखल असल्याचेही गिऱ्हे यांनी सांगितले.
अशी असते हद्दपारीची प्रक्रिया
एखाद्या आरोपीच्या गुन्ह्यात वारंवार होणारी वाढ पाहता, संबंधित पोलिस ठाण्याचे पोलिस निरीक्षक पोलिस उपायुक्त यांच्याकडे त्या आरोपीच्या हद्दपारीचा प्रस्ताव पाठवितात. त्यानंतर सहायक पोलिस आयुक्तांकडे पाठविला जातो. त्यावर ते उपायुक्तांना अहवाल सादर करतात. त्यानंतर उपायुक्त हे आरोपींच्या हद्दपारीसंदर्भातील प्रस्ताव अंतिम करून आदेश काढतात व आरोपींना नोटीस बजावतात.
वाढत्या गुन्हेगारीला आळा बसावा, यासाठी प्राप्त झालेल्या प्रस्तावांवर कार्यवाही करून एकाच दिवशी पाच गुन्हेगारांना हद्दपार करण्यात आले आहे. अजूनही गंभीर गुन्हे करणारे गुन्हेगार आमच्या रडारवर आहेत.
- दीपक गिऱ्हे, पोलिस उपायुक्त, परिमंडळ एक.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.