मिस्टर युनिव्हर्स स्पर्धेसाठी अलिबागमधील तीन बॉडी बिल्डर्सची निवड

अलिबाग : शरीर सौष्ठव स्पर्धेत अलिबागचे नाव आता उंचावू लागले आहे. जिल्हा राज्य, पातळीवर या स्पर्धेत अलिबागमधील स्पर्धेत चमकत असताना आता आंतरराष्ट्रीय पातळीवर स्पर्धेत चमकत आहे. त्यामुळे अलिबागचे नाव साता समुद्रपार चमकु लागले आहे. मिस्टर युनिव्हर्स स्पर्धेसाठी अलिबागमधील तीन बॉडी बिर्ल्डसची निवड करण्यात आली आहे. आंतरराष्ट्रीय शरीर सौष्ठव स्पर्धेसाठी ते तिघेजण भारताचे प्रतिनिधीत्व करणार आहेत. 15 व 17 एप्रिल रोजी होणाऱ्या स्पर्धेत यांचा सहभाग असणार आहे.

पुणे येथे होणाऱ्या आंतरराष्ट्रीय शरीर सौष्ठव स्पर्धेसाठी भारताचे प्रतिनिधत्व करण्याची संधी अलिबाग तालुक्यातील जयेंद्र मयेकर, ऋषिकेश म्हात्रे आणि दिपक राऊळ या तीन बॉडी बिल्डर्सना मिळाली आहे. बॉडी बिल्डर्स अॅन्ड फिटनेस असोसिएशन रायगड तर्फे मिस्टर यनिव्हर्स या आंतरराष्ट्रीय शरीर सौष्ठव स्पर्धेसाठी भारताचे प्रतिनिधीत्व करणार आहेत. ग्रामीण भागात राहणारे अलिबाग तालुक्यातील नागाव येथील जयेंद्र मयेकर यांनी, रायगड श्री, ज्युनिअर मुंबई श्री, महाराष्ट्र श्री, श्रीवर्धन श्री, लायन्स क्लब रायगड श्री बरोबरच चार वेळा मिस्टर इंडिया किताब पटकाविला असून एक वेळा मिस्टर आशिया हा किताबही मिळविला आहे. आज पर्यंत त्यांनी विविध प्रकारचे 22 किताब पटकाविले आहेत. तसेच नागडोंगरी येथील दिपक राऊळ यांनी अलिबाग श्री, नागोठणे संकल्प श्री, रायगड श्री, भारत श्री, अशा एकूण 22 स्पर्धेांमध्ये सहभाग घेऊन यश संपादन केले आहे. ऋषीकेश म्हात्रे यांनी देखील या क्षेत्रात उल्लेखनीय कामगिरी करून अलिबाग तालुक्याचे नाव लौकिक केले आहे.