ठाणे : अल्पवयीन मतिमंद मुलीवर बलात्कार; आरोपी गजाआड

कळवा : कळवा पूर्व शांतीनगर झोपडपट्टीमध्ये राहणाऱ्या एका अल्पवयीन मतिमंद मुलीवर बलात्कार (Minor girl rape case) करणाऱ्याला पोलिसांनी अटक (culprit arrested) केली आहे. श्रीकांत गायके (३६) असे त्याचे नाव आहे. श्रीकांत याने बंद मफतलाल कंपनीच्या (Mafatlal company) दाट झाडीझुडपातील एका खड्ड्यात या मुलीला नेऊन तिच्यावर बलात्कार केल्याची घटना ६ मार्चला घडली होती.

या मुलीचे आई-वडील गरीब व अशिक्षित असल्याने या घटनेची वाच्यता केली नव्हती; परंतु परिसरात ही बाब जिल्हाधिकारी कार्यालयातील महिला बालविकास विभागाला कळवल्यानंतर समाजसेविका श्रद्धा नारकर यांनी कळवा पोलिसांकडे तक्रार केली. त्यानुसार कळवा पोलिसांनी मनीषानगर, गणपती पाडा, भास्कर नगर, वाघोबा नगर परिसरात शोधमोहीम राबवत श्रीकांतला शनिवारी (ता. २६) अटक केली. त्याला न्यायालयाने ३१ मार्चपर्यंत पोलिस कोठडी सुनावल्याचे कळवा विभागाचे सहायक आयुक्त व्यंकट आंधळे यांनी सांगितले.