अन्न सुरक्षा नियमांचे गंभीर उल्लंघन केल्याबद्दल मेसर्स खुशी ट्रेडिंगवर कारवाई
अन्न सुरक्षा नियमांचे गंभीर उल्लंघन : मेसर्स खुशी ट्रेडिंगवर कारवाई
सकाळ वृत्तसेवा
मुंबई, ता. ३१ : अन्न आणि औषध प्रशासनाच्या झोन-८ने मेसर्स खुशी ट्रेडिंग येथे अचानक छापा टाकून तपासणी केली. या वेळी परिसर अत्यंत अस्वच्छ असल्याचे आढळल्याने त्यांच्यावर फौजदारी गुन्हे दाखल करीत कारवाई केली.
अन्न आणि औषध प्रशासन राज्यमंत्री योगेश कदम यांच्या कार्यालयाकडून मिळालेल्या माहितीच्या आधारे ही कारवाई करण्यात आली. त्यानुसार घाटकोपर (पश्चिम) येथील कोजमाजिंजी इस्टेट स्थित खुशी ट्रेडिंगवर छापा टाकण्यात आला. तपासणीदरम्यान फर्म वैध एफएसएसएआय (FSSAI) परवान्याशिवाय काम करीत असल्याचे आढळले. परिसर अत्यंत अस्वच्छ असल्यामुळे अन्न सुरक्षा आणि मानके नियमांचे उल्लंघन ठरते.
याव्यतिरिक्त अन्न व्यवसाय ऑपरेटर विविध डी-मार्ट आउटलेटमधून कालबाह्य होणारे अन्नपदार्थ खरेदी करीत होता. यामुळे सार्वजनिक आरोग्याच्या गंभीर समस्या निर्माण होतात. याची गंभीर दखल घेऊन अन्न सुरक्षा अधिकारी अभिनंदन रणदिवे यांनी मेसर्स खुशी ट्रेडिंग यांना व्यवसाय क्रियाकलाप थांबवण्याची अधिकृत सूचना जारी असूनही पुन्हा कामकाज सुरू केले. ही कृती कायदेशीर आदेशाचे उल्लंघन करणारी आहे. त्यानुसार घाटकोपर पोलिस ठाण्यात त्यांच्याविरुद्ध एफआयआर दाखल केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.