केएमएम प्रसन्ना ‘एनआयए’मध्ये

केएमएम प्रसन्ना ‘एनआयए’मध्ये

मुंबई, ता. १ ः महाराष्ट्र कॅडरचे आयपीएस अधिकारी के. एम. मल्लिकार्जुन प्रसन्ना यांची केंद्रीय गृहमंत्रालयाने राष्ट्रीय तपास यंत्रणेत पोलिस महानिरीक्षकपदी नियुक्ती केली. गृहमंत्रालयाने २७ जूनला हा निर्णय घेतला आणि प्रसन्ना यांना तातडीने सध्याच्या जबाबदारीतून (महाराष्ट्र पोलिस दलातील) तातडीने कार्यमुक्त करा, अशी विनंती राज्याच्या मुख्य सचिवांना केली.
बहुचर्चित लखनभैया बनावट चकमक प्रकरणात उच्च न्यायालयाने स्थापन केलेल्या विशेष तपास पथकाचे नेतृत्व प्रसन्ना यांनी केले होते. त्या प्रकरणात सत्र न्यायालयाने मुख्य आरोपी प्रदीप शर्मा वगळता उर्वरित सर्व आरोपींना दोषी ठरवत शासन केले होते. २००० तुकडीचे आयपीएस अधिकारी असलेल्या प्रसन्ना यांनी मुंबई, सिंधुदुर्ग, औरंगाबादसह राज्याच्या विविध जिल्ह्यांत आणि पोलिस दलात विविध पदांवर कर्तव्य पार पाडले आहे.