लोकमान्य बाळ गंगाधर टिळक जयंती निमित्ताने वक्तृत्व स्पर्धेचे आयोजन

शाळेत अवतरले बाल टिळक

डोंबिवली, ता. २४ (बातमीदार) ः लोकमान्य टिळक जयंतीनिमित्त मातोश्री विद्यामंदिरात व रजनीगंधा माध्यमिक विद्यालयात लोकमान्य बाळ गंगाधर टिळक यांच्या जयंतीनिमित्ताने वक्तृत्व स्पर्धेचे आयोजन केले होते. लोकमान्यांचा जीवनप्रवास या विषयावर विद्यार्थ्यांनी वक्तृत्व सादर केले. अनेक विद्यार्थ्यांनी त्यांच्या जीवनप्रवासातील महत्त्वाचे प्रसंग उलगडले. इयत्ता पहिली व दुसरीच्या विद्यार्थ्यांनी लोकमान्यांची वेशभूषा करून जणू साक्षात छोटे टिळक विद्या संकुलात अवतरल्याचे प्रसंग चित्र उभे राहिले.
छोट्या टिळकांना व्यासपीठाचा मान देऊन इयत्ता चौथी व तिसरीच्या विद्यार्थ्यांनी लोकमान्यच्या जीवनप्रवासावर आधारित नाटिका सादर केली. याप्रसंगी कार्यक्रमाला संस्थेचे अध्यक्ष वर्षा जळगावकर व मातोश्री विद्यामंदिरचे मुख्याध्यापक राजेंद्र पाटील रजनीगंधा माध्यमिक विद्यालयाच्या मुख्याध्यापिका उन्नती पतंगराव त्याचबरोबर सर्व शिक्षक व शिक्षकेतर कर्मचारी उपस्थित होते. या कार्यक्रमाचे सूत्रसंचालन दशरथ कुंदे यांनी केले.