Kolhapur Breaking : निलेवाडीत महापुराच्या धास्तीने तिघांचा मृत्यू

घुणकी (कोल्हापूर) : वारणेच्या महापुराच्या धास्तीने निलेवाडी (Nilewadi) (ता. हातकणंगले) (Hatkangale)येथे तिघांचा मृत्यू झाला असून तीस जनावरे दगावली.अख्खा गावच स्थलांतरीत झाल्यामुळे तिन्ही प्रेतांचे त्यांच्या अंगणातच महापुरात अडकलेल्या गावकर्‍यांनी अंत्यसंस्कार आटोपले. पांडुरंग बाबू घाटगे (वय८०) अविनाश शंकर जाधव (वय ६२) व रेखा शंकर पाटील (वय २८) असे मृत्यू झालेल्यांची नावे आहेत.floods-attack-Three-dead-people-in-Nilewadi-ichalkaranji-Thirty-animals-died-kolhapur-rain-update-akb84

पावसाने थोडी उसंत दिल्यामुळे वारणेची पाणी पातळी सात फुटाने कमी झाली आहे. निलेवाडी सध्या ३० जनावरे दगावली असून २३ घरांची पडझड झाली आहे. दरम्यान आज निलेवाडी पुरग्रस्तांना माजी खासदार राजू शेट्टी, जिल्हा परिषद सदस्य अशोकराव माने, हातकणंगलेचे सभापती डॉ. प्रदीप पाटील, तहसीलदार प्रदीप उबाळे, माजी जिल्हा परिषद सदस्य शहाजीराव पाटील, पंचायत समिती सदस्या सुलोचना देशमुख यांनी भेटी देऊन ग्रामस्थांच्या व्यथा जाणून घेतल्या.