अस्तरीकरण करा

‘पाणी सोडण्यापूर्वी
अस्तरीकरण करा’
सरवडे, ता. ६ : काळम्मावाडी प्रकल्पातील डाव्या कालव्याच्या कायमस्वरूपी अस्तरीकरणाचे काम पाणी सोडण्यापूर्वी केल्यास शेतकऱ्यांचे नुकसान टळू शकते. तेव्हा पाटबंधारे विभागाने शेतकऱ्यांच्या हितासाठी योग्य तो निर्णय घ्यावा, अशी मागणी बिद्री साखर कारखान्याचे माजी संचालक नंदकिशोर सूर्यवंशी यांनी केले आहे. काळम्मावाडी प्रकल्पाचा डावा कालवा पनोरी (ता. राधानगरी) येथे फुटल्यानंतर पाटबंधारे खात्यामार्फत तात्पुरती दुरुस्ती करून पाणी सोडले आहे, पण आता कालव्याच्या कायमस्वरूपी अस्तरीकरणाच्या दुरुस्तीचे काम लगेच सुरू करणार आहेत असे समजते. डाव्या कालव्याला कि.मी. १ ते १० मध्ये गेली ३० वर्षे काम केलेले नाही. काम होण्यास आमचा कोणत्याही प्रकारचा विरोध नाही. मात्र, ते आता न करता पावसाळ्यानंतर पाणी सोडण्यापूर्वी करावे. हे काम सुरू झाल्यानंतर किमान दोन महिने कालव्यातून पाणी सोडले जाणार नाही. वेळेत पाणी न मिळाल्यास पिकांचे नुकसान होईल.