सोलापूर : पोलिस कारवाईसाठी येत असल्याची खबर लागताच भरलेली वाळू नदीत टाकून पसार होणारे पाच ट्रॅक्टर, कार व दुचाकी आणि चार मोबाईल, असा एकूण ३९ लाख ७८ हजार रुपयांचा मुद्देमाल पंढरपूर ग्रामीण पोलिसांनी जप्त केला आहे. सात जणांविरुद्ध गुन्हा दाखल झाला असून त्यातील बालाजी लक्ष्मण पवार व संजय पवार यांची नावे निष्पन्न झाली आहेत. परिविक्षाधिन अधिकारी अंजना कृष्णा यांना मिळालेल्या गोपनीय माहितीवरून पोलिसांनी कारवाई केली आहे.