बिजलीनगरच्या अक्षय मांडगेचे सीए परीक्षेत यश

चिंचवड, ता. ७ ः बिजलीनगर येथील अक्षय पंढरीनाथ मांडगे हा सी.एच्या अंतिम परीक्षेत नुकताच उत्तीर्ण झाला. सीए होण्याचे त्याचे स्वप्न होते. कठोर परिश्रमाच्या जोरावर त्याने हे यश अखेर मिळविले.
या प्रसंगी पक्षनेते नामदेव ढाके, सामाजिक कार्यकर्ते शेखर चिंचवडे, शिक्षण मंडळाचे माजी उपसभापती नाना शिवले, अक्षयचे वडील पंढरीनाथ मांडगे उपस्थित होते. अक्षयचे वडील प्राध्यापक पंढरीनाथ सहादू मांडगे हे चिंचवड येथील आबासाहेब चिंचवडे ज्युनिअर कॉलेजमधून सेवानिवृत्त झाले आहेत. तर आई सौ. किरण पंढरीनाथ मांडगे यांचे बी. एस्सी.शिक्षण झाले आहे. अहिल्यानगर जिल्ह्यातील श्रीगोंदा तालुक्यातील पिंपळगाव पिसा हे त्यांचे मूळ गाव आहे. अक्षयने माटे शाळेत १० वीच्या परीक्षेत ९२ टक्के; तर बीएमसीसी कॉलेजमधून इयत्ता बारावीच्या परीक्षेत ८२ टक्के गुण मिळवले. इंदिरा कॉलेजमधून बी.कॉमची परीक्षा देत ८९ टक्के गुण मिळवले होते. एम. कॉमच्या परीक्षेत बीएमसीसी कॉलेजमध्ये ९३ टक्के गुण मिळवले.