सायबर सुरक्षा मार्गदर्शन

पिंपरी,ता. १७ ः पिंपळे सौदागर येथील द्वारकाधीश रेसिडेन्सीमध्ये ‘समाज माध्यमांचा वापर व सायबर फसवणूक’ या विषयावर जनजागृती कार्यक्रम पार पडला. या कार्यक्रमात सांगवी पोलिस ठाण्याचे वरिष्ठ पोलिस निरिक्षक दिव्यांश नांदेकर यांनी रहिवाशांना सायबर गुन्ह्यांपासून सावध राहण्याबाबत मार्गदर्शन केले. डिजिटल युगात ज्येष्ठ नागरिक, महिला व सर्वसामान्य नागरिकांना लक्ष्य करून ‘डिजिटल अरेस्ट’ व आर्थिक फसवणुकीच्या घटनांमध्ये वाढ होत असल्याचे त्यांनी सांगितले. समाज माध्यमांचा सुरक्षित व जबाबदारीने वापर करण्याचे आवाहनही त्यांनी केले. कार्यक्रमासाठी अध्यक्ष भटुलाल बागुल, सचिव रविकिरण हिल्लाळ, संजीव अन्नेगिरी, श्रीनिवास कुलकर्णी, राजेश काळे, मिलिंद पाटील, हितेन चव्हाण, भूषण पांडे, रवी जयस्वाल, मेधा पाटील यांनी पुढाकार घेतला.