
सध्या अगदी सहज उपलब्ध होणारे जंक फूड तुमच्या मुलांच्या तब्येतीच्या समस्या वाढवत आहे. एका सर्वेक्षणानुसार अनेक लहान आणि किशोरवयीन मुले टाईप २ मधुमेहाने ग्रस्त आहेत. स्थिती किती गंभीर आहे ते यावरून दिसून येते. मुलांना लहान वयातच होणाऱ्या मधुमेहामागे अयोग्य जीवनशैली हे एक मोठे कारण असते. जंक फूडचा ‘गोड’ फास एक मोठा धोका आहे. मुलांचे भविष्य निरोगी असावे, अशी इच्छा असेल तर एक पालक म्हणून आपण सर्वांनी मिळून ठोस प्रयत्न केले पाहिजेत.