वाघोली : खराडीत बीआरटी बस स्टॉपला कारची धडक बसून झालेल्या भीषण अपघातात गंभीर जखमी झालेल्या वाघोलीतील तरुणाचा उपचारादरम्यान मृत्यू झाला आहे. अपघातात दोघांचा जागीच मृत्यू झाला होता. तरुणाच्या मृत्यूची बातमी समजताच वाघोली परिसरामध्ये शोककळा पसरली.
सात दिवसापूर्वी रात्रीच्या वेळी पुण्याहून वाघोलीच्या दिशेने निघालेल्या भरधाव कारची खराडी बायपास येथील बीआरटी बस स्टॉपला जोरदार धडक बसून कार मधील संकेत रामचंद्र भुजबळ (वय २२), ओम राहुल पवळे (वय १७) या दोन तरुणांचा जागीच मृत्यू झाला तर प्रफुल्ल अंकमंची (वय २१) व वाघोली-संभाजीनगर येथील गौरव संजय साठे (वय २२) हे दोघेजण गंभीर जखमी झाले होते. गौरव साठे याच्यावर खराडी येथील मनिपाल हॉस्पिटलमध्ये उपचार सुरु होते. त्याची मृत्यूशी झुंज अखेर अपयशी ठरली.त्याच्या मृत्यूची बातमी वाघोली परिसरात समजताच संपूर्ण गावात शोककळा पसरली आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.