Daund Crime : दौंडमध्ये विवाहितेच्या गळ्यावर चाकूने वार; दोघांविरुद्ध गुन्हा दाखल

दौंड - शहरातील रेल्वे सुरक्षा दलाच्या वसाहतीजवळ एका विवाहितेच्या गळ्यावर चाकूने वार करून तिला जीवे मारण्याचा प्रयत्न केल्याची घटना घडली. याप्रकरणी दौंड पोलिस ठाण्यात दोघांविरुद्ध खुनाचा प्रयत्न केल्याचा गुन्हा दाखल करण्यात आला आहे..दौंड शहरातील रेल्वे वसाहतीमधील रेल्वे सुरक्षा दलाच्या (आरपीएफ) बरॅकजवळ १९ ऑगस्ट रात्री हा प्रकार घडला. संबंधित विवाहिता तिची मैत्रीण आणि दोन मुलांसमवेत एका दुचाकीवरून जात असताना तिला वाटेत अडविण्यात आले. ऋषी डोके या परिचित तरुणाने विवाहितेशी बोलायचे असल्याचे सांगून तिला मैत्रिणीपासून काही अंतरावर नेले. त्या ठिकाणी विवाहितेला पकडून तिच्या तोंडात रुमाल कोंबण्याचा प्रयत्न करण्यात आला..दरम्यान विवाहितिने जोरदार प्रतिकार केला. त्या वेळी ऋषी डोके याच्यासोबत असलेल्या विशाल जाधव याने कमरेला लावलेला चाकू बाहेर काढून गळ्यावरून फिरविल्याने तिला दुखापत होऊन मोठ्या प्रमाणात रक्तस्राव सुरू झाला. या प्रकारानंतर दोन्ही संशयित दुचाकीवरून घटनास्थळावरून पसार झाल्याचे फिर्यादीत नमूद करण्यात आले आहे. रक्तबंबाळ अवस्थेतील विवाहितेने आरडाओरडा करीत परिसरातील नागरिकांकडे मदतीची याचना केली. त्यानंतर काही नागरिकांनी तिला उपचारांसाठी खासगी रुग्णालयात दाखल केले. जखमी विवाहितेवर खासगी रुग्णालयात उपचार सुरू आहेत..दौंड पोलिस ठाण्यात या घटनेबाबत संबंधित विवाहितेने २१ ऑगस्ट रोजी फिर्याद दिली. त्यानुसार विशाल प्रकाश जाधव (रा. गोवा गल्ली, दौंड) आणि ऋषी अशोक डोके (रा. वडारपूर, ता. मूर्तिजापूर, जि. अकोला) यांच्याविरुद्ध गुन्हा दाखल करण्यात आला आहे. भारतीय न्याय संहिता कलम १०९ (१) - खुनाचा प्रयत्न करणे] व कलम ३(५) - जेव्हा गुन्हेगारी कृती अनेक व्यक्तींनी सर्वांच्या समान हेतूच्या पूर्ततेसाठी केली जाते, तेव्हा अशा प्रत्येक व्यक्ती त्या कृतीसाठी त्याच प्रकारे जबाबदार असते जसे की ती कृती त्याने एकट्याने केली असेल, असे समजणे ] अन्वये दोघांविरूध्द गुन्हा दाखल करण्यात आला आहे..दौंड पोलिस ठाण्यातील सहायक निरीक्षक विनायक सपाटे या प्रकरणाचा तपास करीत आहेत. या घटनेविषयी त्यांच्याकडे विचारणा केली असता, दोन्ही संशयित आरोपी फरार असून त्यांचा शोध सुरू असल्याची माहिती त्यांनी दिली. राज्याचे पोलिस महासंचालक सदानंद दाते हे २२ ऑगस्ट रोजी दौंड शहरातील राज्य राखीव पोलिस दलात पूर्वनियोजित कार्यक्रमांसाठी उपस्थित राहणार आहेत. त्यांच्या दौर्याच्या आधी महिलांसंबंधी गुन्ह्यांमध्ये वाढ झाली आहे..एकाच दिवशी दोन गंभीर घटनादौंड शहरात १९ ऑगस्ट रोजी सुमन किसन शिंदे या ७० वर्षीय महिलेचा शिरविरहित मृतदेह रेल्वेच्या आरबी - वन वसाहत मधील एका खोलीत आढळून आला होता. सुमन शिंदे यांच्या खूनप्रकरणी पोलिसांनी दोन संशयितांना अटक केली आहे. त्याच दिवशी शहरातील एका विवाहितेच्या गळ्यावर चाकूने वार करून तिला जीवे मारण्याचा प्रयत्न करण्यात आला. या प्रकरणातील दोन्ही संशयित आरोपी फरार असून पोलिसांकडून त्यांचा शोध सुरू आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Daund Crime : दौंडमध्ये विवाहितेच्या गळ्यावर चाकूने वार; दोघांविरुद्ध गुन्हा दाखल

Related Stories

Daund Beheading Case: दौंडमध्ये ७० वर्षीय महिलेचा शिरच्छेद करून खून; दोन संशयित अटकेत, शिराचा शोध सुरू

दौंडमध्ये दोन ठिकाणी घरफोडी

दौंडला जुगारावर छापा; ३६ जणांविरुद्ध गुन्हे