खडकवासला परिसरात पोलिसांची नाकाबंदी; मद्यपींवर पोलिसांची करडी नजर

किरकटवाडी (पुणे) : पुणे-पानशेत रस्त्यावर खडकवासला धरण चौकात हवेली पोलिसांनी कडक नाकाबंदी केली असून वाहनांची कसून तपासणी केली जात आहे. मद्यप्राशन करून वाहन चालविताना आढळल्यास चालकासह इतर सहप्रवाशांवरही कारवाई करण्यात येत आहे.

सरत्या वर्षाला निरोप देण्यासाठी आणि नविन वर्षाचे स्वागत करण्यासाठी अनेक तरुण-तरुणी आणि इतर पर्यटक खडकवासला, सिंहगड, पानशेत या भागात येतात. फार्म हाऊस, रिसॉर्ट अशा ठिकाणी मोठ्या पार्ट्यांचे आयोजन या भागात होत असते. मात्र, यावर्षी कोरोनाच्या पार्श्वभूमीवर शासनाने काही नियम ठरवून दिले आहेत. त्यामुळे मोठ्या पार्ट्यांच्या आयोजनावर मर्यादा आल्या आहेत.

- Welcome 2021 : न्यूझीलंडमध्ये झालं नव्या वर्षाचं भन्नाट स्वागत; पाहा व्हिडिओ!

काही उपद्रवी पर्यटक, मद्यप्राशन करुन वाहन चालविणारे तरुण-तरुणी यांच्याकडून अपघात किंवा इतर काही गैरप्रकार होऊ नयेत म्हणून  हवेली पोलिसांकडून खडकवासला धरण चौकात तपासणी केली जात आहे. तसेच एक पथक नांदेड फाट्यापासून पानशेत जवळील आंबी गावापर्यंत सतत गस्तीवर ठेवण्याचे नियोजन सहाय्यक पोलीस निरीक्षक नितीन नम यांनी केले आहे.

- पुण्याच्या बातम्या वाचण्यासाठी येथे ► क्लिक करा

(Edited by: Ashish N. Kadam)