पुणे-अहमदनगर रस्ता वाहतुकीसाठी बंद; रस्त्यावर शुकशुकाट!

तळेगाव ढमढेरे (पुणे) : विजयस्तंभ अभिवादन कार्यक्रमाच्या पार्श्वभूमीवर गुरुवारी (ता.३१) सायंकाळपासून पुणे-अहमदनगर हा रहदारीचा रस्ता वाहनांसाठी बंद करण्यात आला आहे. कायदा आणि सुव्यवस्था राखण्यासाठी खबरदारीचा उपाय म्हणून गुरुवारपासूनच पोलिस यंत्रणेने रस्त्यावर ठिकठिकाणी बॅरिकेट्स उभे करून पुण्याकडे जाणारी वाहतूक पूर्णपणे बंद केली आहे.

- राज्याच्या तिजोरीत पडली कोटींची भर; महसूलमध्ये नोंदवला नवा विक्रम!​

तसेच तळेगाव-ढमढेरे येथेही विविध रस्त्यावर खबरदारी म्हणून पोलिसांनी रस्त्यावर बॅरिकेट्स लावली आहेत. शिक्रापूर, तळेगाव-ढमढेरे आणि पुणे-नगर रस्त्यावर कडक पोलिस बंदोबस्त ठेवला आहे. गुरुवारी पाच वाजल्यापासून वाहतूक पूर्ण बंद केल्याने रस्त्यावर शुकशुकाट दिसत होता. नागरिकांनी कायदा आणि सुव्यव्यवस्थेचे पालन करून, परिसरात शांतता राखावी, असे आवाहन पोलिस प्रशासनाने केले आहे.

- पुण्याच्या बातम्या वाचण्यासाठी येथे ► क्लिक करा

(Edited by: Ashish N. Kadam)