माजगाव : निवडणुकीत राष्ट्रवादीकडून शिवसेनेचा धुव्वा

चाफळ (सातारा) : माजगाव विकास सेवा सोसायटीच्या (Mazgaon Vikas Seva Society) 12 जागेसाठी झालेल्या निवडणुकीत राष्ट्रवादी काँग्रेस (Nationalist Congress Party) पुरस्कृत यशवंत ग्रामविकास पॅनेलने शिवसेना (Shivsena) पुरस्कृत शेतकरी परिवर्तन पॅनेलचा धुव्वा उडवला. सर्व जागा जिंकून पुन्हा एकदा राष्ट्रवादी काँग्रेसचा झेंडा सोसायटीवर फडकावला आहे.

माजगाव येथील विकास सेवा सोसायटीच्या 12 जगांसाठी चुरशीने मतदान झाले. दुपारी मतदानानंतर मतदान केंद्रावर मतमोजणी करण्यात आली. यामध्ये राष्ट्रवादी काँग्रेस पुरस्कृत यशवंत ग्रामविकास पॅनेलचे रविराज पाटील, विनोद पाटील, यशवंत पाटील, शंभूराज पाटील, शिवाजी कदम, दिनकर कदम-पाटील, प्रकाश मोरे, मधुकर वाघमारे, मीना शिखरे, अनिता हिमणे, वसंत कुंभार, युवराज गायकवाड हे उमेदवार विजयी झाले. यापूर्वी श्यामराव बोडके हे बिनविरोध निवडून आले आहेत. निवडणूक निर्णय अधिकारी म्हणून प्रसाद गुरव यांनी, तर केंद्रप्रमुख म्हणून जी. जी. कुंभार यांनी काम पाहिले.

विजयानंतर यशवंत ग्रामविकास पॅनेलच्या कार्यकर्त्यांनी फटाके वाजवून, गुलालाच्या उधळणीत जल्लोष केला. विजय उमेदवारांचे माजी मंत्री विक्रमसिंह पाटणकर, खासदार श्रीनिवास पाटील (Shrinivas Patil), सत्यजितसिंह पाटणकर, अमरसिंह पाटणकर, राजेश पवार, पंचायत समिती सदस्या रूपाली पाटील, मोहनराव पाटील, शिवाजीराव पाटील, भरत वरेकर, माजगावचे सरपंच प्रमोद पाटील, आनंदराव पाटील, रमेश हिमणे, सुरेश जाधव, विक्रम पाटील, सुरेश मोरे, आनंदा धुमाळ, संजय कुलकर्णी, दत्तात्रय देशमुख, चाफळचे सरपंच आशिष पवार, संभाजीराव देशमुख, चाफळचे माजी सरपंच वसंतराव जाधव यांनी अभिनंदन केले.