व्यापाऱ्यांनीच ठरवलं... आता पाच दिवस बंद पाळायचा; काेणत्या शहरात वाचा

भिलार (जि.सातारा) : गोडवली (ता. महाबळेश्वर) येथील मृत व्यक्तीच्या संपर्कात आलेल्या दोघांचे कोरोना अहवाल पॉझिटिव्ह आल्याने पाचगणीकरांचा जीव टांगणीला लागला असून, शहरात घबराट पसरली आहे. त्यामुळे आज (मंगळवार) व्यापाऱ्यांची बैठक होऊन उद्यापासून (बुधवार) पाच दिवस जनता कर्फ्यू पाळण्याचे ठरवण्यात आले आहे.
केशरी कार्डधारकांसाठी शासनाने घेतला 'हा' निर्णय 

 गोडवली येथील मृत्यू पावलेल्या व्यक्तीचा पाचगणीत व्यवसाय असून, लॉकडाउनपासून त्याने भाजीविक्रीचा व्यवसाय केला आहे. अचानक त्याचे निधन झाले. त्यामुळे काल त्याच्या निकट सहवासातील घरातील चौघांचे घशाचे स्वॅब तपासणीसाठी पाठवले होते. त्यातील दोघांचे रिपोर्ट कोरोना पॉझिटिव्ह आल्याने एकच खळबळ उडाली. त्यामुळे या 52 वर्षीय व्यक्तीच्या संपर्कात आलेल्यांमध्ये धास्ती पसरली आहे. 

आज सकाळी व्यापारी असोसिएशनची बैठक झाली. यामध्ये कोरोनाचा वाढता प्रभाव रोखण्यासाठी व गोडवली- पाचगणी येथे नव्याने कोरोना विषाणू बाधित रुग्ण आढळल्याने व्यापारी असोसिएशन, भाजी विक्रेते आणि नागरिकांनी स्वयंस्फूर्तीने उद्यापासून रविवारपर्यंत पाच दिवस पाचगणित जनता कर्फ्यू पाळण्याचा निर्णय घेतला.
 
या लॉकडाउनमधून मेडिकल व दूध या अत्यावश्‍यक सेवा वगळण्यात येणार असल्याची माहिती व्यापारी संघटनेच्या पदाधिकाऱ्यांनी दिली आहे. सर्व नागरिकांनी त्याचे तंतोतंत पालन करावे, असे आवाहन करण्यात येत आहे. उद्यापासून पाच दिवस पाचगणी बंद राहणार असल्याने बाजारपेठेत भाजी, किराणा व इतर जीवनावश्‍यक वस्तू खरेदीसाठी आज सकाळपासूनच मोठी गर्दी झाली होती. 

श्रीनिवास पाटील म्हणतात, वर्क फ्रॉम होमवाल्यांसाठी 'हे' करा 

स्वयंस्फूर्तीने लॉकडाउन 

कोरोनाचा प्रादुर्भाव पाचगणी टेबल लॅंडच्या कुशीत वसलेल्या गोडवली गावात झाला. मात्र, धास्ती पाचगणीकरांना लागली आहे. कोरोना साखळी तोडण्यासाठी पाचगणीकरांनी स्वयंस्फूर्तीने लॉकडाउन घोषित केल्याने सर्व व्यवहार पाच दिवस बंद राहणार आहेत. 

संपादन - संजय शिंदे

कॉंग्रेसचे ज्येष्ठ नेते म्हणतात, यामुळे एन्काऊंटरला प्रोत्साहन मिळते; निर्णयाचा फेरविचार व्हावा