esakal | पोलिसांनी रचला सापळा अन् चोरटा सात महिन्यांनंतर अलगद जाळ्यात फसला
sakal

बोलून बातमी शोधा

पोलिसांनी रचला सापळा अन् चोरटा सात महिन्यांनंतर अलगद जाळ्यात फसला

बोरगाव पोलिस ठाण्याचे सहाय्यक पोलिस निरीक्षक डॉ. सागर वाघ, पोलिस उपनिरीक्षक वर्षा डाळिंबकर व त्यांच्या पथकाने या चोरीचा कसून तपास केला. संबंधित चोरटे हे बोरगाव पोलिस ठाण्याच्या परिसरात येणार असल्याची माहिती पोलिसांना मिळाली. त्यावेळी पोलिस पथकाने सापळा लावून संशयितांना ताब्यात घेतले.

पोलिसांनी रचला सापळा अन् चोरटा सात महिन्यांनंतर अलगद जाळ्यात फसला

sakal_logo
By
सुनील शेडगे

नागठाणे : मत्त्यापूर (ता. सातारा) येथून दोन लाख रुपयांचे सोन्याचे दागिने चोरणाऱ्या तीन चोरट्यांना बोरगाव पोलिसांनी अटक केली. त्यात दोन अल्पवयीन मुलांचा समावेश आहे. पोलिस अधीक्षक तेजस्वी सातपुते, अतिरिक्त पोलिस अधीक्षक धीरज पाटील, सहायक पोलिस अधीक्षक समीर शेख यांच्या मार्गदर्शनाखाली ही कारवाई करण्यात आली.

पोलिसांकडून मिळालेल्या माहितीनुसार, मत्त्यापूर येथील वंदना शंकर घोरपडे यांच्या राहत्या घरातून अनोळखी चोरट्यांनी सुमारे दोन लाख रुपयांचे सोन्याचे दागिने पळविले होते. ही घटना फेब्रुवारी महिन्यात घडली होती. त्यानंतर बोरगाव पोलिस ठाण्याचे सहाय्यक पोलिस निरीक्षक डॉ. सागर वाघ, पोलिस उपनिरीक्षक वर्षा डाळिंबकर व त्यांच्या पथकाने या चोरीचा कसून तपास केला. संबंधित चोरटे हे बोरगाव पोलिस ठाण्याच्या परिसरात येणार असल्याची माहिती पोलिसांना मिळाली. त्यावेळी पोलिस पथकाने सापळा लावून संशयिताना ताब्यात घेतले. त्यांच्याकडून चोरीचा मुद्देमाल हस्तगत करण्यात आला आहे.

मयूर विलास ननावरे (वय 24, रा. विसावानाका, मूळ करंजे, सातारा) असे अटक करण्यात आलेल्या चोरट्याचे नाव आहे. अन्य दोघे चोरटे अल्पवयीन आहेत. पोलिसांच्या तपास पथकात मनोहर सुर्वे, स्वप्नील माने, किरण निकम, विजय सांळुखे, विशाल जाधव, प्रकाश वाघ या कर्मचाऱ्यांचा समावेश होता. पोलिस अधीक्षक तेजस्वी सातपुते, अतिरिक्त पोलिस अधीक्षक धीरज पाटील, सहायक पोलिस अधीक्षक समीर शेख यांच्या मार्गदर्शनाखाली ही कारवाई करण्यात आली.

संपादन : बाळकृष्ण मधाळे

loading image
go to top