सबस्क्राईब करा
- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
- Games esakal
पुसेगाव (जि. सातारा) : स्थानिक गुन्हे अन्वेषण विभागाने केलेल्या कारवाईत नागनाथवाडी येथील बेकायदेशीर बैलगाडी शर्यती घेणाऱ्या सहा जणांना ताब्यात घेतले. त्यांच्याकडून शर्यतीसाठी वापरलेला 5 लाख 38 हजार रुपयांचा मुद्देमाल हस्तगत करण्यात आला आहे.
स्थानिक गुन्हे अन्वेषणचे सहायक पोलिस निरीक्षक आनंदसिंग साबळे, पुसेगाव पोलिस ठाण्याचे पोलिस उपनिरीक्षक लोंढे, पोलिस निरीक्षक किशोर धुमाळ यांना काल सकाळी साडेनऊच्या सुमारास नागनाथवाडी येथे सकाळी साडेनऊच्या सुमारास बैलगाडीची शर्यत लावणार असल्याची माहिती मिळाली होती. त्यानुसार सहायक पोलिस निरीक्षक आनंदसिंग साबळे, स्थानिक गुन्हे शाखा व पुसेगाव पोलिस ठाण्याचे कर्मचारी खासगी वाहनाने तेथे जाऊन सापळा रचला असता तेथील उपस्थित सात ते आठ बैलगाडी चालक हे बैलगाड्या जुंपून बैलांना चाबकाने मारहाण करत बैलांना निर्दयतेने वागवून बैलगाडी शर्यत घेत असल्याचे निदर्शनास आले. या वेळी उपस्थित असलेले इतर अनोळखी लोक हे शर्यतीस प्रोत्साहन देत होते; परंतु शर्यतीत भाग घेण्यासाठी आलेल्या काही लोकांना पोलिसांचा सुगावा लागल्याने जुंपलेल्या बैलांना सोडवून काही जणांनी पळ काढला. या वेळी त्यातील चार बैलगाड्या, चार बैल व शर्यतीच्या संयोजकांना ताब्यात घेण्यात आले.
या वेळी प्रताप अनिल घाडगे, अनिकेत धनाजी घाडगे, अमर जगदीश घाडगे, मारुती शामराव चव्हाण, रवींद्र ज्ञानदेव फाळके (सर्व रा. ललगुण, ता. खटाव), तसेच शिवाजी शंकर जगदाळे (रा. कवडेवाडी, ता. कोरेगाव) यांना ताब्यात घेण्यात आले. या शर्यतीचे संयोजक प्रताप अनिल घाडगे यांच्याकडे तीन सिल्वर रंगाच्या धातूच्या गदा, मोबाईल व रोख रक्कम, तसेच अनिकेत घाडगे, अमर घाडगे, मारुती चव्हाण, शिवाजी जगदाळे यांच्याकडून मोबाईल, रोख रक्कम, तसेच एक पांढऱ्या रंगाचा बैल, पळून गेलेल्यांच्या मोटारसायकली, शर्यतीचे छकडे असा एकूण पाच लाख 38 हजार रुपयांचा मुद्देमाल हस्तगत करण्यात आला. पोलिस शिपाई इम्तियाज सलिम मुल्ला यांनी फिर्याद दिली. या कारवाईत हवालदार साबळे, पवार, नाचण, ननावरे, शिरतोडे, शिंदे, एस. आर. माने यांनी सहभाग घेतला.
संपादन : बाळकृष्ण मधाळे
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.