Recharge Plans: प्रियजनांशी बोलणे होणार महाग! Jio-Airtel रिचार्ज प्लॅनची किंमत वाढवण्याची शक्यता

Airtel-Jio Tariff Hike: देशातील खासगी टेलिकॉम कंपन्या Airtel, Jio आणि Vi ग्राहकांना जोरदार झटका देण्याच्या तयारीत आहे. कंपनी लवकरच आपल्या प्रीपेड प्लॅन्सच्या किंमतीत वाढ करण्याची शक्यता आहे. रिपोर्टनुसार, टेलिकॉम कंपन्या १० टक्क्यांपर्यंत टॅरिफ हाइक करण्याची शक्यता आहे. ब्रोकरेज फर्म Jefferies ने याबाबत माहिती दिली आहे.

हेही वाचा: Wrong Fuel In Bike: गाडीत पेट्रोलऐवजी डिझेल भरले तर? नुकसान टाळण्यासाठी त्वरित करा 'हे' काम

५जी लाँचनंतर टेलिकॉम कंपनी Airtel आणि Jio आर्थिक वर्ष २३, आर्थिक वर्ष २४ आणि आर्थिक वर्ष २५ च्या चौथ्या तिमाहीत वाढ करू शकते. कंपन्यांनी काही महिन्यांपूर्वीच प्लॅन्सच्या किंमती वाढवत ग्राहकांना झटका दिला होता. याचा फायदा देखील कंपन्यांना मिळाला आहे. आता कंपन्या उत्पन्न वाढवण्याचा प्रयत्न करत आहे. एअरटेलच्या अनेक आधिकाऱ्यांनी ARPU साठी टॅरिफ हाइक केले जाईल असे म्हटले आहे.

हेही वाचा : Love Jihad: प्रेमाला धर्म आहे...?

मागील तिमाहीत Jio, Airtel आणि Vi च्या ARPU (एव्हरेज रेवेन्यू पर यूजर) मध्ये वाढ झाली आहे. कोणत्याही टेलिकॉम कंपनीसाठी ARPU महत्त्वाचा असतो. याद्वारे तुम्ही कंपनीचा परफॉर्मेंस तपासू शकता. जिओच्या ARPU मध्ये ०.८ टक्के वाढ झाली आहे. तर व्हीआयच्या ARPU मध्ये १ टक्के आणि Airtel च्या ARPU मध्ये ४ टक्के वाढ झाल्याचे दिसून आले आहे. एअरटेलने काही दिवसांपूर्वीच दोन सर्कलमध्ये आपल्या मिनिमम रिचार्जच्या किंमतीत वाढ केली आहे.

दरम्यान, टेलिकॉम कंपन्यांनी अद्याप ५जी रिचार्ज प्लॅन्सची घोषणा केलेली नाही. देशात ऑक्टोबर महिन्यात ५जी सेवा लाँच झाली आहे. जिओने सर्वात स्वस्त ५जी प्लॅन्स लाँच केले जातील, असा दावा केला आहे. परंतु, किंमतीची माहिती दिलेली नाही. एअरटेलने देखील ठराविक शहरांमध्ये ५जी सेवा सुरू केली आहे. ५जी सेवा आल्याने आता रिचार्ज प्लॅन्सच्या किंमती देखील वाढणार आहेत.

हेही वाचा: Smart TV Offer: मस्तच! फक्त ९९९ रुपये द्या अन् घरी घेऊन जा ३२ इंच टीव्ही, ऑफर खूपच जबरदस्त