LG ने आणला 97 इंचाचा धमाकेदार OLED TV! जाणून घ्या फीचर्स

OLED टीव्हीची श्रेणी वाढवत, LG ने CES 2022 मध्ये LG OLED G2 आणि C2 मालिका मार्केटमध्ये आणल्या आहेत. कंपनीने या इव्हेंटमध्ये सर्वात मोठे आणि सर्वात लहान आकाराचे OLED टीव्हींबाबतची माहिती जाहीर केली आहे. कंपनीचा सर्वात मोठा OLED टीव्ही 97 इंच आहे आणि तो कंपनीच्या नवीनतम G2 OLED टीव्ही मालिकेत लॉंच करण्यात आला आहे. नवीन टीव्हीमध्ये कंपनी वेबओएस सॉफ्टवेअरमध्ये (WebOS Software) मल्टी-यूजर प्रोफाइल्स सारखी अतिरिक्त वैशिष्ट्ये देखील ऑफर करत आहे. जाणून घ्या त्यांच्या वैशिष्ट्यांबद्दल तपशीलवार माहिती... (Learn about the features of LG's 97 inch OLED TV)

LG G2 मालिकेची वैशिष्ट्ये आणि तपशील

कंपनीचे हाय-एंड G2 मालिकेतील टीव्ही अतिशय स्लिम डिझाइनसह येतात. या मालिकेत 97 इंच, 55 इंच, 65 इंच, 77 इंच आणि 83 इंच आकाराचे टीव्ही सादर करण्यात आले आहेत. यामध्ये 120Hz 4K गेमिंग (Games) , व्हेरिएबल रिफ्रेश रेट आणि ऑटो लो-लेटेंसी मोडसह अनेक छान वैशिष्ट्ये प्रदान करण्यात आली आहेत. याशिवाय, टीव्हीच्या या मालिकेत गेम डॅशबोर्ड देखील देत आहे. हे टीव्ही कंपनीच्या पाचव्या पिढीतील A9 प्रोसेसरवर काम करतात. या टीव्हीच्या किमती आणि उपलब्धतेबाबत कंपनीने अद्याप कोणतीही माहिती दिलेली नाही.

LG C2 OLED TV या मालिकेची वैशिष्ट्ये आणि तपशील

या मालिकेत 42-इंचाचा OLED टीव्ही देत कंपनीने हा सर्वात लहान आकाराचा OLED टीव्ही म्हणून सादर केला आहे. कंपनी या टीव्हीमध्ये सर्व प्रीमियम फीचर्स (Premium Features) देत आहे. HDMI 2.1 पोर्ट व्यतिरिक्त टीव्ही 120Hz रिफ्रेश रेट डिस्प्ले आणि अल्फा 9 Gen 5 प्रोसेसर 4K ऑफर करत आहे. टीव्हीमध्ये तुम्हाला एक चांगला गेम ऑप्टिमायझर मेनू पाहायला मिळेल, ज्यामुळे अंधाऱ्या खोलीत गेमिंग करताना डोळ्यांवर ताण येणार नाही.

याशिवाय कंपनी टीव्हीमध्ये FPS आणि RPG सारख्या स्पोर्टस गेमिंग वैशिष्ट्यांसह इतर गेम ऑप्टिमायझर प्रीसेट देखील ऑफर करत आहे. LG या टीव्हीसह Nvidia GSync, Nvidia GeForce, AMD FreeSync सह व्हेरिएबल रिफ्रेश रेट सपोर्ट देखील देत आहे. या टीव्ही व्यतिरिक्त कंपनीने त्यांचे QNED LED टीव्ही देखील सादर केले आहेत. या मालिकेतील टीव्ही नवीन Alpha 9 Gen 5 प्रोसेसर आणि webOS 22 स्मार्ट टीव्ही OS वर काम करतात.