Nashik News : रुग्णवाहिका चालकाचा प्रामाणिकपणा; वाहनात सापडलेले पैसे, मोबाईल केला परत

Nashik News : महामार्गावरील अपघातातील जखमी रुग्णांना जीवदान देण्यासाठी तत्काळ घटनास्थळी पोचत रूग्णालयात दाखल करणाऱ्या शासनाच्या १०८ रुग्णवाहिकेचे चालक नितीन जाधव यांनी रुग्णवाहिकेत सापडलेले पैशांचे पाकिट आणि मोबाईल संबंधित यांना परत करत प्रामाणिकपणाचे दर्शन घडविले आहे.(Ambulance driver Nitin Jadhav returned money packets and mobile phones found to concerned person nashik news)

त्यांच्या या प्रामाणिकपणाबद्दल त्यांचे अभिनंदन करण्यात आले.

मुंबई- आग्रा राष्ट्रीय महामार्गावरील सौंदाणे गावाजवळ बांधकाम मजुराला घेऊन जाणाऱ्या ४०७ वाहनाला अपघात झाला. अपघाताची बातमी कळताच महामार्गावरील १०८ रुग्णवाहिकेला सूचना मिळाल्यानंतर नितीन जाधव व डॉ.महेंद्र पाटील यांनी अपघातातील पाच रुग्णांना पुढील उपचारासाठी मालेगाव येथील सामान्य रुग्णालयात दाखल केले.

हेही वाचा : What Is Moksha: ‘अण्णा तुमच्या गुरूला मिळाला का मोक्ष?’

तेथून रुग्णवाहिका परतीच्या प्रवासात असताना वाहनचालक नितीन जाधव यांना वाहनामध्ये रुग्णाचे पैसे आणि मोबाईल मिळून आला. यावेळी त्यांनी तत्काळ रुग्णालयाच्या नातेवाईक यांच्याशी संवाद साधून पैसे व त्यांचा मोबाईल परत दिल्याने रुग्णाचा नातेवाइकांनी आभार व्यक्त केले.

श्री. जाधव यांच्या या प्रामाणिकपणासाठी १०८ वाहन चालक संघटनेच्यावतीने सत्कार करण्यात आला. यावेळी संलग्न कोर कमिटी नाशिक जिल्हाध्यक्ष अभय सोनवणे, जिल्हा समन्वयक अजित उगले, कोर कमिटीचे उत्तम महाराष्ट्र अध्यक्ष निवास घुगे, सल्लागार गोरक्षनाथ चौधरी, नाशिक जिल्हाध्यक्ष राजेंद्र खैरनार, मोहन सोनवणे, घनश्याम जाधव, चंद्रशेखर देवरे आदी उपस्थित होते.