नाशिक : युवतींमध्ये फ्री-स्‍टाईल हाणामारी

नाशिक - गंगापूर रोडवरील डोंगरे वसतिगृह मैदानावर गुरुवारी (ता. ३०) सकाळी युवतींमध्ये (Girls) फ्री-स्‍टाईल हाणामारी (Fighting) झाली. यासंदर्भातील व्‍हिडिओ सोशल मीडियावर व्‍हायरल झाला. प्रियकराच्‍या (Lover) विषयावरून ही हाणामारी झाल्‍याची प्राथमिक माहिती मिळत आहे.

यासंदर्भातील अधिक माहिती अशी : डोंगरे वसतिगृह मैदान परिसरात गुरुवारी सकाळी दोन युवती एकमेकांना भिडल्‍या. केस धरताना व बोचकत एकमेकांना जखमी केले. तेथेच उपस्‍थित असलेल्‍या अन्‍य काही युवतींनी मध्यस्थी करून भांडण सोडविले. दरम्‍यान, या घटनेवेळी तेथे उपस्‍थित काही अन्‍य युवकांनी या घटनेचा व्‍हिडिओ काढत सोशल मीडियावर व्‍हायरल केल्‍यानंतर या घटनेला वाचा फुटली. दरम्‍यान, प्रियकराच्‍या विषयावरून ही हाणामारी झाल्‍याचा प्राथमिक अंदाज प्रत्‍यक्षदर्शीकडून वर्तविला जात आहे.

महाविद्यालयाकडून समज

संबंधित युवती बारावीच्या विद्यार्थिनी आहेत. घटनेचा व्‍हिडिओ महाविद्यालय प्रशासनापर्यंत पोचला. यानंतर पालकांसह संबंधित विद्यार्थिनींना महाविद्यालयात बोलविण्यात आले. यापैकी एक विद्यार्थिनीने भ्रमणध्वनी स्‍वीच ऑफ करत पसार झाल्‍याचे महाविद्यालयाकडून सांगण्यात आले. दरम्‍यान, दोन्‍ही युवती मैत्रिणी असून, त्‍यांचे कौटुंबिक पातळीवरही घनिष्ठ संबंध असल्‍याचे महाविद्यालयाकडून सांगण्यात आले. या घटनेविषयी संबंधितांना समज दिला जाणार आहे.