नाशिक- पेठ तालुक्यात पाणीटंचाई जाणवणाऱ्या गावात टंचाई निवारणासाठी अधिकारी व कर्मचाऱ्यांनी संवेदनशील राहावे, पाणीटंचाईचे प्रस्ताव तातडीने सादर करावेत, अशा सूचना अन्न व औषध प्रशासन, विशेष सहाय्यमंत्री नरहरी झिरवाळ यांनी दिल्या..पेठ तालुक्यातील पाणीटंचाईबाबत मंत्री झिरवाळ यांनी शुक्रवारी (ता. २५) तहसील कार्यालयात आढावा बैठक घेतली, त्या वेळी ते बोलत होते. श्री. झिरवाळ यांनी रात्री बोरीची बारी गाठत ग्रामस्थांशी थेट संवाद साधला. दिंडोरीचे उपविभागीय अधिकारी आप्पासाहेब शिंदे, गटविकास अधिकारी सूर्यवंशी यांच्यासह विविध विभागांचे अधिकारी उपस्थित होते..मंत्री झिरवाळ म्हणाले, की पेठ तालुक्यातील काही गावांना एप्रिल व मेमध्ये पाणीटंचाई जाणवते. त्यामुळे टंचाई निवारणार्थ सर्व संबंधित विभागांनी समन्वयाने काम करावे. महावितरण कंपनीने पाणीपुरवठा योजनांना तातडीने वीजजोडणी द्यावी. टंचाई काळात पाणीपुरवठा योजनांचा वीजपुरवठा खंडित करू नये. जलजीवन मिशन अंतर्गत साकारण्यात येणाऱ्या पाणी योजनांच्या कामांना गती द्यावी, असे निर्देश त्यांनी दिले..गटविकास अधिकारी सूर्यवंशी यांनी, पेठ तालुक्यात सद्यस्थितीत तीन टँकर सुरू आहेत. तीन गावांचे टँकरचे प्रस्ताव प्राप्त झाले आहेत. तालुक्यातील टंचाईग्रस्त गावांना पाणीपुरवठा करण्याचे नियोजन केले आहे. पाणीटंचाई निवारणासाठी पुरेशा प्रमाणात निधीची उपलब्धता असल्याचे सांगितले. बैठकीला सरपंच, लोकप्रतिनिधी, ग्रामस्थ आदी उपस्थित होते..Dhol Bajao Protest : ठाकरे गटाचे ढोल बजाव आंदोलन.बोरीची बारीची बैठक मंत्री झिरवाळ यांनी बोरीची बारी (ता. दिंडोरी) येथील ग्रामस्थांची बैठक घेत पाणीटंचाईची समस्या जाणून घेतली. गावकऱ्यांना घरासमोरील टाकीत पाणी मिळेल. कुणालाही विहिरीपर्यंत जाण्याची आवश्यकता भासणार नाही. सार्वजनिक विहिरीत पाणी टाकण्यासंदर्भात उपाययोजना करण्याच्या सूचना त्यांनी संबंधित यंत्रणेला दिल्या आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
