Nashik Dwarka Chowk : द्वारका चौफुली बंद असल्याने नाशिककर करतायत 'ही' मोठी चूक! स्कूल बसच्या अपघातानंतर तरी प्रशासनाचे डोळे उघडणार का? पोलिसांसमोरच नियमांची पायमल्ली

नाशिक : आगामी सिंहस्थ कुंभमेळ्याच्या अनुषंगाने शहरात रस्त्यांची कामे सुरू आहेत; तर द्वारका चौकातील वाहतूक कोंडी सोडविण्यासाठी भुयारी मार्गाचे काम सुरू आहे. त्यामुळे द्वारका चौफुली वाहतुकीसाठी बंद आहे. दुसरीकडे मुंबई- आग्रा महामार्गावरील उड्डाणपूल दुचाकी- रिक्षांसाठी प्रवेश बंदी (Nashik Dwarka Chowk wrong way driving) असताना शहरातील वाहतूक कोंडीचा ससेमिरा टाळण्यासाठी ‘शॉर्टकट’चा अवलंब करीत स्वतःसह सहप्रवाशांच्या जिवाशी खेळ खेळला जातो. उघड-उघड वाहतूक नियमांची पायमल्ली होत असताना, शहर वाहतूक शाखा व प्रादेशिक परिवहन विभागाकडून सोयीस्कररीत्या याकडे डोळेझाक मात्र केली जात आहे.