नाशिक- शेतीमालाला खुली बाजारपेठ मिळावी, योग्य बाजारभाव मिळावा व शेतकऱ्यांची फसवणूक टळण्यासाठी विद्यार्थिनींनी पुढाकार घेतला आहे. मविप्र संस्थेच्या राजर्षी शाहू महाराज पॉलिटेक्निकमधील पदविकाच्या तृतीय वर्षाच्या विद्यार्थिनींनी ॲग्रीबिड ट्रॅकर ऑनलाइन प्रणाली विकसित केली आहे. याद्वारे शेतकऱ्यांना घरबसल्या लिलावामध्ये सहभागी होता येईल. स्वतंत्रपणे बोली लावता येईल. ही प्रणाली शेतकरी आणि व्यापाऱ्यांना जोडणारा महत्त्वाचा दुवा ठरणार आहे.
