पहावे ते नवलच! चक्क लालपरीला फुटले पंख; छप्पर उडालेल्या एसटी बसचा Video Viral

गडचिरोलीतील अहेरी आगाराची बस, व्हिडिओवर नेटकऱ्यांच्या भन्नाट प्रतिक्रिया
ST Bus Video Viral
ST Bus Video ViralSakal

गडचिरोली : छप्पर उडालेल्या एसटी बसचा एक व्हिडिओ सध्या सोशल मीडियावर व्हायरल झाला आहे. या बसचे छत तुटलेले असून ही बस सुसाट वेगाने जात असल्याचं या व्हिडिओमध्ये दिसत आहे. हा व्हिडिओ सोशल मीडियावर चांगलाच व्हायरल झाला आहे.

अधिक माहितीनुसार, गडचिरोली जिल्ह्यातील अहेरी आगाराची ही बस असून हा व्हिडिओ गडचिरोली - अहेरी या मार्गावरील असल्याची माहिती समोर आली आहे. छप्पर उडालेलं असतानाही ही बस भरधाव वेगाने धावत आहे. तर समोर असलेल्या वाहनातील एका प्रवाशाने या बसचा व्हिडिओ शूट केला आहे.

ST Bus Video Viral
"मर्द, खंजीर, मिंदे गट, खोके... मुलाखत संपली!" संदीप देशपांडेंकडून उद्धव ठाकरेंच्या मुलाखतीची नक्कल | Video Viral

दरम्यान, राज्यभर छत गळणारी, प्रत्येक सुटा भाग वाजत असणारी, ब्रेक फेल झालेली, खिळखिळी झालेली अशा अनेक एसटी बसेस चे दर्शन प्रवाशांना वेळोवेळी होत असते. मात्र दुर्गम भागातील एसटी बसेसच्या वाईट स्थितीचे दर्शन घडवणारा हा व्हिडिओ मात्र भलताच वायरल होत आहे. "आता लालपरीलाही फुटलेत पंख" अशा भन्नाट कमेंट नेटकऱ्यांनी या व्हिडिओवर केल्या आहेत.

ही बस दुरूस्तीसाठी जात असून यामध्ये एकही प्रवाशी प्रवास करत नसल्याची माहिती काही नेटकऱ्यांकडून देण्यात आली आहे. अनेकदा बसचा अपघात झाल्यानंतर किंवा बिघाड झाल्यानंतर अशा प्रकारचे नुकसान होत असते. या बसचेही अशाच प्रकारचे नुकसान झाल्याची शक्यता नेटकऱ्यांकडून वर्तवण्यात येत आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com