Nagpur: नागपूरकरांसाठी आनंदाची बातमी! रेल्वे स्थानक विकासासाठी कार्यादेश जारी; फडणवीसांनी दिली माहिती

नागपूर: ऐन दिवाळीच्या मुहूर्तावर नागपूरांसाठी आणखी एक आनंदाची बातमी समोर आली आहे. नागपूर रेल्वे स्थानकाचा पुनर्विकास आणि आधुनिकीकरण यासाठीचा 487 कोटी रुपयांचा कार्यादेश जारी करण्यात आला असल्याची माहिती उपमुख्यमंत्री देवेंद्र फडणवीस यांनी दिली आहे. या कार्यादेशाचा फोटो फडणवीसांनी ट्विट केला आहे या निधीमुळे नागपीर रेल्वेचा विकास शक्य होणार आहे.

नागपूरसाठी आणखी एक आनंदाची बातमी! नागपूर रेल्वे स्थानकाचा पुनर्विकास आणि आधुनिकीकरण यासाठीचा 487 कोटी रुपयांचा कार्यादेश जारी करण्यात आला आहे. यामुळे नागपूर रेल्वेस्थानकावर अनेक चांगल्या प्रवासी सुविधा उपलब्ध होणार असून, प्रवाशांना जागतिक दर्जाच्या सोयी मिळणार आहेत. असे ट्विट देवेंद्र फडणवीस यांनी केले आहे.

याभागातील सामाजिक-आर्थिक विकासाला सुद्धा यामुळे चालना मिळेल. या प्रकल्पासाठी केंद्रीय मंत्री नितीनजी गडकरी आणि आम्ही सातत्याने पाठपुरावा करीत होतो. हा कार्यादेश जारी केल्याबद्दलपंतप्रधान नरेंद्र मोदीजी आणि रेल्वेमंत्री अश्विनी वैष्णव यांचा मी नितांत आभारी आहे.प्रत्येक नागपूरकराच्या वतीने मी त्यांचे आभार मानतो, असेही फडणवीस म्हणाले आहेत.