Vaishnavi Hagawane Case: पुण्यातून फरार होण्याची तयारी, Rajendra Hagawane ला पोलिसांनी कसं केलं अटक?

वैष्णवी हगवणे प्रकरण राज्यभरात चांगलंच गाजतंय. हुंड्यासाठी होणाऱ्या मानसिक आणि शारीरिक त्रासाला कंटाळून वैष्णवीनं टोकाचं पाऊल उचलल्याचं समोर आलं आहे. तिच्या मृत्यूनंतर संबंधित सासरच्या मंडळींविरुद्ध गुन्हा दाखल करण्यात आला. याप्रकरणात आधी पती, सासू आणि नणंद यांना अटक करण्यात आली होती. मात्र, सासरे राजेंद्र हगवणे आणि दिर सुशील हगवणे हे गेल्या सात दिवसांपासून फरार होते. अखेर पुण्यातून पळ काढण्याच्या तयारीत असतानाच, पोलिसांनी दोघांनाही अटक केली. या कारवाईमुळे प्रकरणात प्रगती झाली असून, पोलिसांनी या दोघांना न्यायालयात हजर केल्यानंतर पुढील तपास अधिक वेगाने सुरू आहे.