भारताला किंमत चुकवावी लागेल; मोदींच्या लेह दौऱ्यानंतर चीनचा इशारा

बिजिंग- दोन्ही देशांमध्ये निर्माण झालेल्या कृत्रिम अडथळ्यांमुळे भारताला मोठे नुकसान सहन करावे लागू शकते. बिजिंग भारतामधील चीनचा व्यवसाय टिकवण्यासाठी योग्य ती पाउलं उचलेलं. तसेच भारत-चीन सीमा भागात शांतता प्रस्थापित करण्यासाठी दोन्ही देशांनी प्रयत्न करायला हवेत, असं चीनच्या परराष्ट्र मंत्रालयाच्या प्रवक्त्यांनी आज म्हटलं आहे. भारताने चिनी अॅप्सवर आणलेली बंदी आणि पंतप्रधान नरेंद्र मोदी यांची लेह भेट या पार्श्वभूमीवर चीनकडून आलेली प्रतिक्रिया महत्वाची आहे.

आणखी एका शेजाऱ्यानं भारताशी घेतला पंगा, निर्यात रोखली
भारताकडून चीन विरोधात आक्रमक भूमिका घेण्यात आली आहे. भारत सरकारने राष्ट्रीय सुरक्षेला धोका असल्याचं सांगत 59 चिनी अॅप्सवर बंदी आणली आहे. तसेच चिनी कंपन्यांकडून भारतात होणाऱ्या गुंतवणुकीवरही निर्बंध लादण्यात आले आहेत. 15 जून रोजी गलवान खोऱ्यात झालेल्या रक्तरंजित संघर्षात भारताचे 20 जवान शहीद झाले आहेत. त्यामुळे भारतात चीनविरोधात संतापाची लाट आहे. अशात भारत सरकारने चीन विरोधात कठोर पाउलं उचलण्यास सुरुवात केली आहे. 

मोदी यांनी आज लेह-लडाखला भेट देत सर्वांनात आश्चर्याचा धक्का दिला. त्यांची लेह भेट अगदी अनपेक्षित होती. मोदींनी लडाखमधील सैनिकांशी संवाद साधत त्यांचे मनोधैर्य वाढवण्याचा प्रयत्न केला. तसेच चीनसोबत झालेल्या संघर्षात शहीद झालेल्या 20 जवानांना श्रद्धांजली वाहिली. तसेच मोदींनी आपली भूमिका चीनसमोर ठेवली आहे. विस्तारवादाचे दिवस आता संपले आहेत, आता विकास युग सुरु झालं आहे. विस्तारवादाच्या भूमिकेमुळे नेहमीच जीवितहानी झाली आहे, असं म्हणत त्यांनी चीनला इशारा दिला आहे.

खबरदारी घ्या ! आता एका रुग्णामागे दहा जणांची विलगीकरणात रवानगी
चिनी अॅप्सच्या बंदी आणण्याच्या भारताच्या निर्णयावर चीनने टीका केली आहे. भारताने चिनी कंपन्यांच्या टिकटॉक, यूसी ब्राऊझर, कॅम स्कॅनर, शेअरईट इत्यादि लोकप्रिय अॅप्सवर बंदी आणली आहे. भारताने घेतलेला निर्णय आंतराष्ट्रीय व्यापार संघटनेने घालून दिलेल्या निकषांचे उल्लंघन करणारा आहे. याचा परिणाम दोन्ही देशांच्या संबंधावर होणार असून भारताला नुकसान सहन करावे लागू शकते, असं चीनने म्हटलं आहे. 

दरम्यान, नरेंद्र मोदी यांनी शुक्रवारी सकाळी सुरक्षा प्रमुख जनरल बिपिन रावत यांच्या समवेत लेहला भेट दिली. मोदी सकाळी साडे नऊ वाजता लेह येथे पोहोचले होते. मोदी यांनी निमू येथील एका फॉरवर्ड पोस्टला भेट दिली. येथे त्यांनी वायुसेना, थलसेना आणि आईटीबीपीच्या कर्मचाऱ्यांशी संवाद साधला. निमू हे 11,000 फुट उंचीवर असून सगळ्यात दुर्गम स्थानापैकी एक मानले जाते. निमू जंस्कार पर्वत श्रृंखलांनी घेरलेलं आहे. मोदींनी भारतीय जवानांना यावेळी संबोधित केले.