दानशूर भिकाऱयांनी केली देशासाठी 'एवढी' मदत...

वाराणसी (उत्तर प्रदेश) : देशाला कोरोना व्हायरसने ग्रासल्यानंतर अनेकजण देशाच्या मदतीसाठी पुढे येत आहेत. येथील भिकाऱयांनीसुद्धा भीक मागून जमवलेली रक्कम देशासाठी दिली आहे. सोशल मीडियावर त्यांच्यावर शुभेच्छांचा वर्षाव होत आहे.

चीनने लॉकडाऊन हटवला; पण रुग्ण लागले वाढू...

कोरोनाविरोधातील लढाईत संपूर्ण देश सहभागी झाला आहे. प्रत्येकजण आपापल्या पद्धतीने देशाला मदत करण्याचा प्रयत्न करत आहे. पंतप्रधान नरेंद्र मोदी यांनी मदतीचे आवाहन केल्यानंतर मदतीचा ओघ वाढला आहे. वाराणसी येथील दिव्यांग आणि कुष्ठ रोग्यांना भीक म्हणून मिळालेले 3100 रुपये त्यांनी प्रधानमंत्री केअरमध्ये दान केले आहे.

Video: रवींद्र जडेजाने हातात घेतली तलवार आणि...

पंतप्रधान नरेंद्र मोदी यांनी काही दिवसांपूर्वी जनतेला कोरोनाच्या लढ्यात सहकार्य करण्यासाठी मदतीचे आवाहन केले होते. देशभरातून त्याला मोठा प्रतिसाद मिळाला. उद्योगपती, कलाकारांपासून सर्वसामान्य नोकरदारवर्गानेही आपल्याला शक्य तेवढ्या पैशांची मदत करताना दिसत आहे. वाराणसी येथील संकट मोचन मंदिर येथे विश्वनाथ कुष्ठ आश्रमामध्ये राहणारे 35 कुटुंबात 50 सदस्य पुढे आले आहेत. हे मंदिराजवळ बसून भीक मागतात आणि आपली गुजराण करतात. कोरोनाच्या लढ्यात मोदींना मदत करण्यासाठी कोणी 50 तर कोणी 20 रुपदे देऊन आपले मदत नोंदवली आहे. त्यांनी एकूण 3100 रुपये दान केले आहे. दिव्यांग कल्याण सल्लागार बोर्डाचे सदस्य डॉक्टर उत्तम ओझा यांच्याशी संपर्क साधून या कुष्ठ रोगींनी स्टेट बँकेच्या माध्यमातून पैसे पीएम केअर्समध्ये पाठविले.

लॉकडाऊनच्या काळात 'गुगल पे'ची खास सेवा...

दरम्यान, भिकाऱयांनी देशासाठी मदत केल्याची बातमी सोशल मीडियावर व्हायरल झाल्यानंतर त्यांच्यावर शुभेच्छांचा वर्षाव होऊ लागला आहे. खरंच हे दानशूर आणि देशाची काळजी करणारे सैनिक आहेत, अशा प्रतिक्रिया नोंदविल्या जात आहेत.