Yoga Day 2023 : मोदींच्या 'योगा डे'चं लागलं देशाला वेड! श्वानाने देखील केले योगासन, Video Viral

जगभरात आज, २१ जून आंतरराष्ट्रीय योग दिवस साजरा केला जात आहे. या निमीत्ताने कार्यक्रमाचे आयोजन करण्यात आले आहे. यादरम्यान सोशल मीडियावर नागरिक जागोजागी योग करतानाचे व्हिडीओ आणि फोटो शेअर करत आहेत. देशभरात योग दिन उत्साहात साजरा केला जात असतानाच एक कुत्रा देखील योग करत असतानाचा व्हिडीओ समोर आला आहे.

एएनआयने एक कुत्रा देखील योग करतानाचा व्हिडीओ ट्विट केला आहे. हा व्हिडीओ जम्मू आणि काश्मिर येथील उधमपूरचा आहे. यामध्ये इंडो-तिबेटन बॉर्डर पोलिसांच्या श्वान पथकामधील श्वानाने युनिटमधील इतर कर्मचार्‍यांसह योगासने केली. यामध्ये हा कुत्रा देखील माणसांप्रमाणे योग करताना दिसतोय.

२१ जून रोजी आंतरराष्ट्रीय योग दिवस साजरा केला जातो. आज जगभरातील लोक ९वा आंतरराष्ट्रीय योग दिवस साजरा करत आहेत. इतकेच नाही अमेरिकेच्या तीन दिवसांत्या दौऱ्यादरम्यान पंतप्रधान नरेंद्र मोदी संयुक्त राष्ट्रांच्या (यूएन) मुख्यालयात होणाऱ्या या सोहळ्याचे नेतृत्व देखील केले, ज्यात १८०हून अधिक देशांचे प्रतिनिधी सहभागी झाले होत.