PM Modi in US : टेस्ला भारतात येणार! PM मोदींना भेटताच मस्कवर पैशांचा पाऊस; एकाच दिवसात 'इतकी' वाढली संपत्ती

पंतप्रधान नरेंद्र मोदी सध्या अमेरिका दौऱ्यावर आहेत आणि मंगळवारी त्यांनी टेस्लाचे सीईओ इलॉन मस्क यांची भेट घेतली. या भेटीत जगातील सर्वात मोठी इलेक्ट्रिक कार कंपनी टेस्लाच्या भारतात एंट्रीबद्दल चर्चा झाली. या भेटीनंतर टेस्लाचे सीईओ इलॉन मस्क यांनी टेस्ला भारतात दाखल होण्याबद्दल मोठा दावा केला आहे.

न्यूयॉर्क पॅलेस हॉटेले येथे इलॉन मस्क यांनी माध्यमांशी बोलताना सांगितले की, कंपनी लवकरच भारतात गुंतवणूक करणार आहे आणि देशाच्या विकासाकरिता ही महत्वाची बाब असणार आहे.

मोदींची भेट घेतल्यानंतर इलॉन मस्क यांनी भारतात गुंतवणूक करणार असल्याबद्दल माहिती दिली, तसेच त्यांनी पुढील वर्षी भारताला भेट देण्याचा प्लॅन असल्याचे देखील सांगितले. थसेच त्यांनी पंतप्रधान नरेंद्र मोदी यांच्या पाठिंब्यासाठी त्यांचे आभार मानले तसेच लवकरच नवीन घोषणा करण्यात

इलॉन मस्क यांनी पंतप्रधान मोदींची भेट घेतल्यानंतर भारतात गुंतवणूक करण्याच्या योजनेची पुष्टी करताना सांगितले की, मी स्वत: पुढच्या वर्षी भारताला भेट देण्याचा योजना आखत आहे आणि टेस्ला भारतात येईल असा विश्वास देखील त्यांनी व्यक्त केला. ते म्हणाले की, पंतप्रधानांच्या बाठिंब्याबद्दल मी त्यांचे आभार मानू इच्छितो आणि आशा करतो का नजीकच्या भविष्यात आम्ही काहीतरी जाहीर करू शकू.

ही भारतासोबतच्या आमच्या संबंधांमध्ये ही एक महत्वपूर्ण गुंतवणूक असेल. पुढे बोलताना इलॉन मस्क यांनी पंतप्रधान मोदींचं भरभरून कौतुक केलं. मोदी भारताची खरंच काळडी करतात. मी मोदींचा फॅन आहे असं म्हटलं आहे.

दरम्यान मंगळवारी इलॉन मस्क आणि पंतप्रधान मोदी यांच्या न्यूयॉर्कच्या पॅलेस हॉटेलमध्ये झालेल्या भेटीचा परिणाम शेयर मार्केटवर देखील दिसून आला. या भेटीनंतर टेस्ला इंक चे शेयर ५.३५ टक्क्यांच्या वाढीसह बंद झाले. याचा थेट परिणाम इलॉन मस्क यांच्या संपत्तीवर झाला आहे.

टेस्लाच्या शेयर्समध्ये झालेल्या या मोठी वाढीमुळे एका दिवसात इलॉन मस्क यांच्या संपत्तीत ९.९५ अब्ज डॉलर्स म्हणजेच ८१,००० कोटी रुपयांहून अधिकची वाढ झाली. इलॉन मस्क यांची संपत्ती २४३ अब्ज डॉलर झाली आहे.